സൗന്ദര്യ സംരക്ഷണത്തിനായി രാസവസ്തുക്കള്‍ നിറഞ്ഞ ഉല്‍പ്പന്നങ്ങള്‍ക്ക് പിന്നാലെ പായുന്നവരുടെ ശ്രദ്ധയ്ക്ക്; യാതൊരുവിധ പാര്‍ശ്വഫലങ്ങളുമില്ലാതെ പ്രകൃതിദത്ത രീതിയില്‍ മുടിയുടെ ആരോഗ്യവും തിളക്കവും വീണ്ടെടുക്കാന്‍ ആയുർവേദത്തില്‍ മികച്ച പരിഹാരങ്ങളുണ്ട്. നമ്മുടെ വീടുകളില്‍ സുലഭമായി ലഭിക്കുന്ന ചെമ്പരത്തി മൊട്ടും മുട്ടയും ചേര്‍ത്ത് തയ്യാറാക്കുന്ന ഔഷധക്കൂട്ടുകള്‍ കേശസംരക്ഷണ രംഗത്ത് വിപ്ലവകരമായ മാറ്റങ്ങളുണ്ടാക്കുമെന്നാണ് ആയുര്‍വേദ വിദഗ്ധര്‍ വ്യക്തമാക്കുന്നത്. സമൂഹമാധ്യമങ്ങളില്‍ ഇപ്പോള്‍ വൈറലായിക്കൊണ്ടിരിക്കുന്ന ഈ നാടന്‍ സൗന്ദര്യവര്‍ദ്ധക രീതിക്ക് പിന്നില്‍ വലിയ ശാസ്ത്രീയ അടിത്തറയുമുണ്ട്.
ആയുര്‍വേദ പ്രകാരം പിത്ത-കഫ ദോഷങ്ങളെ ശമിപ്പിക്കാന്‍ ഉത്തമമായ ഔഷധസസ്യങ്ങളില്‍ ഒന്നാണ് ചെമ്പരത്തി. മുടിയുടെ വേരുകളെ പോഷിപ്പിക്കാനും തലയോട്ടിയിലെ അണുബാധകള്‍ തടയാനും ചെമ്പരത്തി മൊട്ടുകള്‍ക്ക് പ്രത്യേക കഴിവുണ്ട്. ആന്റിഓക്സിഡന്റുകളും വിറ്റാമിനുകളും ധാരാളമായി അടങ്ങിയ ചെമ്പരത്തിയും പ്രോട്ടീന്റെ കലവറയായ മുട്ടയും യോജിക്കുമ്പോള്‍ അത് കേശ സംരക്ഷണത്തിനുള്ള സമ്പൂര്‍ണ്ണ ടോണിക്കായി മാറുന്നു. മുടിയുടെ വളർച്ചയെ ത്വരിതപ്പെടുത്താനും അകത്തെ വേരുകളിൽ നിന്ന് ബലം നൽകാനും ഈ മിശ്രിതം ഏറെ ഫലപ്രദമാണ്.
പണ്ടുകാലം മുതലേ മുത്തശ്ശിമാര്‍ അവലംബിച്ചിരുന്ന ഈ ആയുർവേദ സൗന്ദര്യചികിത്സ ഇന്ന് പുതിയ തലമുറയും വലിയ തോതില്‍ ഏറ്റെടുത്തിരിക്കുകയാണ്. ചെമ്പരത്തി മൊട്ട് നന്നായി അരച്ചെടുത്തതിലേക്ക് മുട്ടയുടെ വെള്ളയും ചേര്‍ത്ത് മിശ്രിതമാക്കി തലയോട്ടിയിലും മുടിയിഴകളിലും പുരട്ടാം. മുപ്പത് മിനിറ്റിന് ശേഷം വീര്യം കുറഞ്ഞ താളിയോ ഷാംപൂവോ ഉപയോഗിച്ച് കഴുകിക്കളയാവുന്നതാണ്. ഇത് മുടിക്ക് സ്വാഭാവിക തിളക്കവും മൃദുത്വവും നല്‍കാന്‍ സഹായിക്കുക മാത്രമല്ല, താരന്‍, അകാല നര തുടങ്ങിയ പ്രശ്നങ്ങളെ ഫലപ്രദമായി പ്രതിരോധിക്കുകയും ചെയ്യും. ചെമ്പരത്തിയുടെ പൂവും ഇലകളും മൊട്ടുകളും ചേര്‍ത്ത് വീട്ടില്‍ തന്നെ തയ്യാറാക്കുന്ന പ്രകൃതിദത്ത താളിയിലേക്ക് മുട്ട ചേര്‍ത്ത് ഉപയോഗിക്കുന്നത് മുടിക്ക് സ്വാഭാവിക കണ്ടീഷണറുടെ ഫലം തരും. മുടിക്ക് നല്ല തിളക്കവും മൃദുത്വവും നല്‍കാന്‍ ഇത് സഹായിക്കും. കുറഞ്ഞ ചെലവില്‍ യാതൊരു പാര്‍ശ്വഫലങ്ങളുമില്ലാതെ വീട്ടില്‍ തന്നെ ചെയ്യാവുന്ന ഈ പ്രകൃതിദത്ത വിദ്യ ഇപ്പോള്‍ സോഷ്യല്‍ മീഡിയയില്‍ വലിയ ചര്‍ച്ചയായിരിക്കുകയാണ്.
