കേന്ദ്രസര്‍ക്കാരിനെതിരെ പറയാത്തതിനാല്‍ അഭിമുഖം പ്രസിദ്ദീകരിച്ചില്ലെന്ന് പ്രമുഖ എഴുത്തുകാരന്‍ ബന്യാമിന്‍. സൗദി തൊഴില്‍ പ്രശ്‌നത്തില്‍ ബന്യാമിന്‍ അഴിമുഖം എന്ന ഓണ്‍ലൈനിനെതിരെയാണ് ഫേസ്ബുക്കില്‍ പോസ്റ്റിട്ടത്. മന്ത്രി കെ.ടി ജലീലിന് നയതന്ത്ര പാസ്‌പോര്‍ട്ട് അനുവദിക്കാത്തതുമായി ബന്ധപ്പെട്ട് ഒരു മലയാളം ഓണ്‍ലൈന്‍ എടുത്ത അഭിമുഖത്തില്‍ കേന്ദ്രസര്‍ക്കാരിനെ എതിര്‍ത്തില്ല എന്ന് മാത്രമല്ല സംസ്ഥാന സര്‍ക്കാരിനെ വിമര്‍ശിക്കുന്നത് കൂടിയായിരുന്നുവെന്ന് എഴുത്തുകാരന്‍ പറയുന്നു.
‘കേന്ദ്രസര്‍ക്കാരിനെ കഠോര ശബ്ദത്തില്‍ ഞാന്‍ ശാസിക്കുമെന്നെന്നാണ് അവര്‍ ആഗ്രഹച്ചത് എന്ന് തോന്നുന്നു. എന്നാല്‍ ഞാന്‍ തിരിച്ച് ചോദിച്ചത് കേരളത്തിലെ രാഷ്ട്രീയ കക്ഷികള്‍ ഗള്‍ഫിലെ പാവങ്ങളുടെ കൈയില്‍ നിന്ന് പണം പിരിക്കാതിരിക്കാന്‍ പോകുന്നത് ഡിപ്ലോമാറ്റിക് വിസയുമായാണോ അപ്പോള്‍ ആ പാവങ്ങള്‍ക്ക് ഒരു പ്രശ്‌നം വരുമ്പോള്‍ നാ പാസ്‌പോര്‍ട്ട് എന്നൊരു ന്യായത്തില്‍ കടിച്ച് തൂങ്ങണോ..? എന്നാണ്. അഭിമുഖം ഇപ്പോള്‍ പ്രസിദ്ധീകരിച്ചേക്കാം എന്ന് പറഞ്ഞ് ഓടിയവരുടെ പൊടിപോലുമില്ല കണ്ടുപിടിക്കാന്‍’
പോസ്റ്റ് ചര്‍ച്ചയായതിനെ തുടര്‍ന്ന് ഓണ്‍ലൈന്‍ അധികൃതര്‍ വിശദീകരണവുമായി എത്തി. അഭിമുഖം ഇതുവരെയും ഓഫിസില്‍ ലഭിക്കാത്തതിനാലാണ് പ്രസിദ്ധീകരിക്കാത്തത് എന്ന് അവര്‍ ബെന്ന്യാമിനെ അറിയിച്ചു.
”ആ അഭിമുഖം പ്രസിദ്ധീകരിക്കാതെ പോയത് അവരുടെ പിഴവ് അല്ലെന്നും ഇന്റര്‍വ്യൂ എടുത്ത സ്വതന്ത്ര പത്രപ്രവര്‍ത്തകന്‍ ഇതുവരെയും അത് അവരുടെ ഓഫീസില്‍ എത്തിക്കാതെ മുങ്ങിയതുകൊണ്ട് ആണെന്നും പറയുന്നു. ഞാന്‍ അവരുടെ വാക്കുകള്‍ മുഖവിലയ്ക്ക് എടുക്കുന്നു. സ്വന്തം പത്രത്തിന്റെ പേരില്‍ ഇത്തരം ജേര്‍ണ്ണലിസ്റ്റുകളെ ഉത്തരവാദിത്വപ്പെട്ട കാര്യങ്ങള്‍ ഏല്‍പിച്ചു വിടുമ്പോള്‍ നഷ്ടപ്പെടുന്നത് സ്വന്തം വിശ്വാസ്യതയാണെന്ന പാഠം ഇനിയെങ്കിലും ദയവായി ഓര്‍മ്മയില്‍ വയ്ക്കുക.
അഴിമുഖത്തിന്റെ വിശദീകരണത്തിന്റെ പശ്ചാത്തലത്തില്‍ ആ പോസ്റ്റ് പിന്‍ വലിക്കുന്നു.
എല്ലാവര്‍ക്കും നന്മ വരട്ടെ”.-എന്നാണ് പുതിയ പോസ്റ്റ്
Discussion about this post