ജക്കാര്‍ത്താ: ഇന്തോനേഷ്യയില്‍ വ്യോമസേന വിമാനം തകര്‍ന്നു വീണ് 13 പേര്‍ കൊല്ലപ്പെട്ടു. വ്യോമസേനയുടെ യാത്രാവിമാനമായ ഹെര്‍ക്കുലീസ് സി-130 ആണ് അപകടത്തില്‍പ്പെട്ടത്. അപകടകാരണം എന്താണെന്ന് വ്യക്തമായിട്ടില്ല.
പാപുവ പ്രവിശ്യയിലെ മലനിരയിലാണ് വിമാനം തകര്‍ന്നുവീണത്. ടിമിക്കയില്‍നിന്നും വമേനയിലേക്കു പോകുകയായിരുന്ന വിമാനം ഞായറാഴ്ച രാവിലെ 6.15 നാണ് തകര്‍ന്നുവീണത്. വിമനത്തിലുണ്ടായിരുന്ന 13 പേരും മരിച്ചതായി വ്യോമസേന അധികൃതര്‍ അറിയിച്ചു. 2015-ല്‍ ഇന്തോനേഷ്യയില്‍ വ്യോമസേനയുടെ വിമാനം ജനവാസകേന്ദ്രത്തിനുമേല്‍ തകര്‍ന്നു വീണ് 121 പേര്‍ മരിച്ചിരുന്നു.
Discussion about this post