ഹൈദരാബാദ്: മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്രയെ നൃത്തം പഠിപ്പിച്ച് സിനിമാ താരം രാം ചരൺ. ഹൈദരാബാദിൽ നടന്ന ഇ-പ്രിക്സ് 2023ൽ പങ്കെടുക്കാൻ എത്തിയപ്പോഴായിരുന്നു ഇരുവരും തമ്മിൽ കണ്ടുമുട്ടിയത്. രാം ചരണിനൊപ്പം ഡാൻസ് കളിക്കുന്ന വീഡിയോ ആനന്ദ് മഹീന്ദ്ര തന്നെയാണ് ട്വിറ്ററിലൂടെ പുറത്തുവിട്ടത്.
രാജമൗലി ചിത്രം ആർആർആറിൽ ജൂനിയർ എൻടിആറിനൊപ്പം ചേർന്ന് നാട്ടു നാട്ടു എന്ന ഗാനത്തിൽ കളിച്ച ഡാൻസ് ആണ് രാംചരൺ ആനന്ദ് മഹീന്ദ്രയെ പഠിപ്പിക്കുന്നത്. ചുവടുകൾ പഠിച്ച ശേഷം ഇരുവരും ഒന്നിച്ച് ഡാൻസ് കളിക്കുന്നതായും വീഡിയോയിൽ കാണാം. പരിപാടിയിൽ പങ്കെടുക്കാൻ എത്തിയവർ ഇരുവരും ചേർന്നുള്ള നൃത്തം ആസ്വദിക്കുകയും കയ്യടിക്കുകയും ചെയ്യുന്നുണ്ട്.
ഹൈദരാബാദ് ഇ പ്രിക്സിൽ നിന്നും ലഭിച്ച ഏറ്റവും മികച്ച പാഠം എന്ന കുറിപ്പോടെയാണ് ആനന്ദ് മഹീന്ദ്ര രാംചരണൊപ്പമുള്ള വീഡിയോ പങ്കുവച്ചിട്ടുള്ളത്. ഹൈദരാബാദ് ഇ പ്രിക്സിൽ നിന്നും ലഭിച്ച നേട്ടങ്ങളിൽ ഏറ്റവും മികച്ചതാണ് രാംചരണിൽ നിന്നും നാട്ടു നാട്ടു എന്ന ഗാനത്തിന്റെ ചുവടുകൾ പഠിക്കാൻ കഴിഞ്ഞു എന്നത്. രാംചരണിന് നന്ദി. ഓസ്കർ നേട്ടത്തിനായി ആശംസകൾ നേരുന്നുവെന്നും ആനന്ദ് മഹീന്ദ്ര ട്വീറ്റ് ചെയ്തു.
ഇതിനോടകം തന്നെ ലോക പ്രശസ്തമായ ഗാനമാണ് നാട്ടു നാട്ടു. അടുത്തിടെ ഒറിജിനൽ സോംഗ് വിഭാഗത്തിൽ ഈ ഗാനത്തിന് ഗോൾഡൻ ഗ്ലോബ് പുരസ്കാരം ലഭിച്ചിരുന്നു. കീരവാണിയാണ് ഈ പാട്ടിന്റെ സംഗീത സംവിധാനം. ഓസ്കർ നാമനിർദ്ദേശ പട്ടികയിലും പാട്ട് ഇടം നേടിയിട്ടുണ്ട്.
Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw
— anand mahindra (@anandmahindra) February 11, 2023
Discussion about this post