എറണാകുളം: ബ്രഹ്മപുരം മാലിന്യപ്ലാന്റ് വിഷയത്തിൽ പ്രതികരണവുമായി നടനും കോമഡി താരവുമായ രമേഷ് പിഷാരടി. ജീവൻപോലും പണയംവച്ച് രക്ഷാപ്രവർത്തനങ്ങൾ നടത്തുന്നവരോട് തനിക്ക് ആദരവുണ്ട്. വലിയ ബുദ്ധിമുട്ടുകൾ നേരിടുമ്പോഴും ഈ ദുരവസ്ഥയ്ക്ക് കാരണക്കാരായവരെ ന്യായീകരിക്കുന്നവരോട് അനുതാപമാണെന്നും പിഷാരടി പറഞ്ഞു. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
പൊളിറ്റിക്കൽ കറക്റ്റ്നെസ്സ് അഥവാ ‘പൊ ക’
ബ്രഹ്മപുരത്ത് തീ
അണയ്ക്കാൻ ശ്രമിക്കുന്ന പൊതുപ്രവർത്തകരോടും സന്നദ്ധ സംഘടനകളോടും എനിക്ക് ആദരവുണ്ട്.??
അഗ്നിശമന സേനാംഗങ്ങളോടും അവരുടെ ജീവൻ പണയം വച്ചുള്ള ശ്രമങ്ങളോടും എനിക്ക് ആദരവുണ്ട് ??
എന്നാൽ
അനുതാപമുള്ളത്
കണ്ണെരിഞ്ഞും, ചുമച്ചും,ശ്വാസം മുട്ടിയും, ചൊറിഞ്ഞുതടിച്ചും നിന്ന് ന്യായീകരിക്കുന്നവരുടെ
പൊളിറ്റിക്കൽ
കറക്റ്റ്നെസ്സിനോടാണ്- രമേഷ് പിഷാരടി ഫേസ്ബുക്കിൽ കുറിച്ചു.
ബ്രഹ്മപുരം വിഷയത്തിൽ സിനിമ താരങ്ങൾ പ്രതികരിക്കാത്തത് സമൂഹമാദ്ധ്യമങ്ങളിൽ വലിയ പ്രതിഷേധത്തിന് കാരണമായിരുന്നു. സാധാരണയായി സമകാലിക സംഭവങ്ങളിൽ ഏറ്റവും ആദ്യം പ്രതികരിക്കുന്നത് സിനിമാ രംഗത്തുള്ളവരും സാംസ്കാരിക നായകരുമാണ്. എന്നാൽ തീപിടിത്തം ഉണ്ടായി ഒരാഴ്ച പിന്നിട്ടിട്ടും യാതൊന്നും പ്രതികരിക്കാത്തതിൽ വിമർശനം ഉയർന്നിരുന്നു.
