സംസങ് ഗാലക്‌സി ഉപഭോക്താക്കള്‍ക്ക് വേണ്ടി പുതിയൊരു ചലഞ്ചിന് തുടക്കമിട്ടിരിക്കുകയാണ്. കമ്പനിയുടെ സോഫ്റ്റ്വെയറിലെ സുരക്ഷാ പ്രശ്‌നങ്ങള്‍ കണ്ടെത്തുന്നവര്‍ക്ക് 10 ലക്ഷം ഡോളര്‍ (8 കോടി) രൂപയാണ് പാരിതോഷികം നല്‍കുക. സാംസങിന്റെ പുതിയ നോക്‌സ് വോള്‍ട്ട് ഫോണ്‍ ഹാക്ക് ചെയ്ത് സാംസ്ങിന്റെ ഹാര്‍ഡ്വെയര്‍ സുരക്ഷാ സംവിധാനത്തില്‍ റിമോട്ട് കോഡ് എക്സിക്യൂട്ട് ചെയ്താല്‍ പരമാവധി സമ്മാനത്തുകയായ 10 ലക്ഷം ഡോളര്‍ സ്വന്തമാക്കാം.
സാംസങിന്റെ സോഫ്റ്റ്വെയറില്‍ കടത്തുകയറി നിയന്ത്രണം കൈക്കലാക്കാനും വിവരങ്ങള്‍ ചോര്‍ത്താനും ഉപകരണത്തിന്റെ സുരക്ഷ മറികടക്കാനും ഹാക്കര്‍മാരെ സഹായിക്കുന്ന സുരക്ഷാ പ്രശ്‌നങ്ങള്‍ കണ്ടെത്തുകയാണ് ടാസ്‌ക്. ക്രിപ്‌റ്റോഗ്രഫിക് കീകളും മൊബൈല്‍ ഡിവൈസുകളും ബയോമെട്രിക് വിവരങ്ങളും സൂക്ഷിക്കുന്നതിനായി ഒരുക്കിയ സംവിധാനമാണ് സാംസങിന്റെ പുതിയ നോക്‌സ് വോള്‍ട്ട്.
മുന്‍പ് അണ്‍ലോക്ക് ചെയ്തിട്ടില്ലാത്ത ഫോണ്‍ അണ്‍ലോക്ക് ചെയ്ത് വിവരങ്ങള്‍ എടുത്താല്‍ അവര്‍ക്ക് നാല് ലക്ഷം ഡോളര്‍ വരെ ലഭിക്കും.ഗാലക്‌സി സ്റ്റോറില്‍ നിന്ന് ദൂരെ ഇരുന്ന് ഒരു ഉപകരണത്തില്‍ ആപ്ലിക്കേഷന്‍ ഇന്‍സ്റ്റാള്‍ ചെയ്താല്‍ 60,000 ഡോളര്‍ വരെ സമ്മാനം നേടാനാകുമെന്നാണ് റിപ്പോര്‍ട്ട്.
ഈ പ്രോഗ്രാമുമായി ബന്ധപ്പെട്ട മാനദണ്ഡങ്ങള്‍ അറിയുന്നതിന് സാംസങ് വെബ്‌സെറ്റ് സന്ദര്‍ശിക്കാം. ഈ പോഗ്രാമിനെ ബഗ് ബൗണ്ടിയെന്നാണ് അറിയപ്പെടുന്നത്. 2017ലാണ് ബഗ് ബൗണ്ടി ആരംഭിച്ചത്. ഇതുവരെ ഏകദേശം 36 കോടി രൂപയോളം സമ്മാനമായി ഉപഭോക്താകള്‍ക്ക് നല്‍കിയിട്ടുണ്ടെന്നാണ് റിപ്പോര്‍ട്ട്.
Discussion about this post