തിരുവനന്തപുരം: ആര്യനാട് ചെറുമഞ്ചലില് കെഎസ്ആര്ടിസി ബസ് നിയന്ത്രണം വിട്ട് വെയിറ്റിങ് ഷെഡിലേക്ക് പാഞ്ഞുകയറി അപകടം. അഞ്ച് കുട്ടികള് ഉള്പ്പെടെ ആറുപേര്ക്ക് സംഭവത്തില് പരിക്കേറ്റു.നെടുമങ്ങാട് ഭാഗത്തേക്ക് വന്ന കെഎസ്ആര്ടിസി ബസ്സാണ് അപകടത്തില്പ്പെട്ടത്.
അപകടത്തില് വെയിറ്റിങ് ഷെഡ് പൂര്ണമായും തകര്ന്നു. വളവ് തിരിഞ്ഞു വരുന്നതിനിടെയാണ് അപകടമുണ്ടായത്. പരിക്കേറ്റവരെ തിരുവനന്തപുരം മെഡിക്കല് കോളേജിലേക്ക് മാറ്റി. ആരുടെയും പരിക്ക് ഗുരുതരമല്ലെന്നാണ് നിലവില് ലഭിക്കുന്ന വിവരം.
ബസ് അമിതവേഗതയിലായിരുന്നെന്നാണ് ദൃക്സാക്ഷികള് പറയുന്നത്. രാവിലെ സ്കൂളിലേക്ക് പോകാന് ബസ് കാത്തുനിന്ന് വിദ്യാര്ത്ഥികളാണ് അപകടത്തില്പ്പെട്ടത്. പരിക്കേറ്റവരില് ഒരാള് അപകടത്തില്പ്പെട്ട ബസിലെ യാത്രക്കാരനാണ്.
Discussion about this post