പണ്ട് വൃദ്ധരായവരുടെ ജീവനെടുക്കുന്ന ഒന്നായിരുന്നു ഹൃദയാഘാതം. എന്നാൽ ഇന്ന് ചെറുപ്പക്കാർക്ക് പോലും ഹൃദയാഘാതം സംഭവിക്കുന്നു. നമുക്ക് പരിചിതരായ പലരും ഹൃദയാഘാതം മൂലം മരണമടയുന്ന വാർത്ത ഏറെ ഞെട്ടലോടെയാണ് നാം കേൾക്കുന്നത്. പെട്ടന്നുള്ള ഹാർട്ട് അറ്റാക്ക് മൂലം മരണപ്പെടുന്നവരുടെയും ഹൃദ്രോഗം മൂലം ചികിത്സ തേടുന്നവരുടെയും എണ്ണത്തിൽ അടുത്ത കാലത്തായി വർദ്ധനവ് ഉണ്ടായതായാണ് കണക്കുകൾ സൂചിപ്പിക്കുന്നത്. രാജ്യത്താകമാനമുള്ള കണക്കുകൾ പരിശോധിച്ചാൽ ഏതാണ്ട് 25 ശതമാനത്തോളം ഹാർട്ട് അറ്റാക്ക് ഉണ്ടായിരുന്നതും 45 വയസിൽ താഴെ പ്രായമുള്ളവരിലാണെന്ന് പഠനങ്ങൾ സൂചിപ്പിക്കുന്നു.
ഹൃദയ ധമനികളിൽ കൊഴുപ്പടിഞ്ഞ് ഹൃദയത്തിലേയ്ക്കുള്ള രക്തത്തിന്റെ ഒഴുക്ക് തടസ്സപ്പെടുമ്പോഴാണ് ഹൃദയാഘാതമുണ്ടാകുന്നത്. ഇത് ചെറുപ്പക്കാരിൽ ഇന്ന് കൂടുതലായി കണ്ടുവരുന്നു. ഇതിന് പല കാരണങ്ങളുമുണ്ട്.
പുകവലി, അമിതവണ്ണം, മാനസിക സമ്മർദ്ദം തുടങ്ങിയവ. ഒരു പരിധി വരെ രോഗത്തെ നിയന്ത്രിക്കാൻ ഇവയൊക്കെ ഒഴിവാക്കിയാൽ സാധിക്കും എന്നതാണ് സത്യം.കോവിഡ് – വന്നവരിൽ ഹൃദയ സംബന്ധമായ പ്രശ്നങ്ങൾ കൂടുതലാണെന്നാണ് ചില പഠനങ്ങൾ ചൂണ്ടിക്കാണിക്കുന്നത്. മോശം ഭക്ഷണശീലം, ഉറക്കക്കുറവ്, വ്യായാമക്കുറവ് തുടങ്ങിയവയെല്ലാം ഹൃദയ സംബന്ധമായ പ്രശ്നങ്ങൾക്ക് കാരണമാകുന്നു.
പുകവലി,മദ്യപാനം എന്നിവ രക്തക്കുഴലുകളുടെ പ്രവർത്തനം അനാരോഗ്യകരമാക്കുകയും രക്തപ്രവാഹം തടസ്സപ്പെടുത്തുകയും ചെയ്യും. രക്ത ധമനികളിൽ കൊഴുപ്പടിഞ്ഞ് ബ്ലോക്ക് ഉണ്ടാകുന്നതിനും ഇത് കാരണമാകുന്നു. മറ്റ് ലഹരിവസ്തുക്കളുടെ ഉപയോഗവും ഹൃദയാഘാതം ഉണ്ടാകാനുള്ള സാധ്യത ഗണ്യമായി വർദ്ധിപ്പിക്കുന്നു.
നിങ്ങളുടെ 20-കളിലും 30-കളിലും 40-കളിലും ഹൃദയത്തെ പരിപാലിക്കുന്നത് വിവിധ ഹൃദ്രോഗങ്ങളിൽ നിന്ന് സംരക്ഷിക്കുകയും ദീർഘകാലാടിസ്ഥാനത്തിൽ നിങ്ങളെ സഹായിക്കുകയും ചെയ്യുന്നു.
ആരോഗ്യകരമായ ഭക്ഷണശീലം ആരംഭിക്കുക,ധാരാളം പഴങ്ങളും പച്ചക്കറികളും കഴിക്കുക,മാംസം ബുദ്ധിപൂർവ്വം തയ്യാറാക്കുക : പാചകം ചെയ്യുന്നതിനുമുമ്പ് മാംസത്തിന്റെ അധിക കൊഴുപ്പ് നീക്കം ചെയ്യാം,കൊഴുപ്പ് കുറഞ്ഞ പാലുൽപ്പന്നങ്ങൾ തിരഞ്ഞെടുക്കുക : കൊഴുപ്പ് കുറഞ്ഞ അല്ലെങ്കിൽ കൊഴുപ്പ് കുറഞ്ഞ പാലും പാലുൽപ്പന്നങ്ങളും ഉൾപ്പെടുത്തുക,പ്രോട്ടീൻ സമ്പുഷ്ടമായ ഭക്ഷണം ശീലമാക്കുക,ധാന്യങ്ങൾ,മത്സ്യം എന്നിവ ഡയറ്റിൽ ഉൾപ്പെടുത്തുക.വ്യായാമം ശീലമാക്കുക.
Discussion about this post