പാലക്കാട്: പ്രസംഗത്തിൽ പൊതുമരാമത്ത് വകുപ്പ് മന്ത്രി മുഹമ്മദ് റിയാസിനെ സിപിഎം സെക്രട്ടേറിയേറ്റ് യോഗത്തിൽ വിമർശനം ഉണ്ടായിട്ടില്ലെന്ന് സംസ്ഥാന സെക്രട്ടറി എം.വി ഗോവിന്ദൻ. വിമർശനമുണ്ടായി എന്നത് വ്യാജ പ്രചാരണം ആണെന്നും അദ്ദേഹം പറഞ്ഞു. മാദ്ധ്യമങ്ങളോട് ആയിരുന്നു പ്രതികരണം.
പ്രസംഗത്തിൽ സിപിഎം സെക്രട്ടേറിയേറ്റ് മുഹമ്മദ് റിയാസിനെ രൂക്ഷമായി വിമർശിക്കുകയും നേതാക്കൾ അതൃപ്തി അറിയിക്കുകയും ചെയ്തതായി വാർത്തകൾ പ്രചരിച്ചിരുന്നു. ഇതിന് പിന്നാലെയായിരുന്നു പ്രതികരണം. മുഹമ്മദ് റിയാസിനെതിരെ സിപിഎം സെക്രട്ടേറിയേറ്റ് യോഗത്തിൽ വിമർശനം ഉണ്ടായിട്ടില്ല. ഇതുമായി ബന്ധപ്പെട്ട് പ്രചരിക്കുന്ന വാർത്തകൾ അടിസ്ഥാന രഹിതമാണ്. ബജറ്റിൽ അതൃപ്തി പ്രകടിപ്പിച്ച് സിപിഐ മന്ത്രിമാർ കത്തുകൊടുത്ത സംഭവം അറിഞ്ഞിട്ടില്ലെന്നും ഗോവിന്ദൻ പ്രതികരിച്ചു. നേരത്തെ വിമർശനം ഉണ്ടായി എന്ന വാർത്തകൾ നിഷേധിച്ച് മുഹമ്മദ് റിയാസ് രംഗത്ത് എത്തിയിരുന്നു. ഇതിന് പിന്നാലെയാണ് ഗോവിന്ദന്റെ വിശദീകരണം.
തിരുവനന്തപുരം നഗരസഭയുടെ വികസന സെമിനാറിൽ പങ്കെടുക്കവെ മന്ത്രി നടത്തിയ പരാമർശമാണ് വിവാദം ആയത്. കരാറുകാരെ തൊട്ടപ്പോൾ ചിലർക്ക് പൊള്ളിയെന്ന് അദ്ദേഹം പ്രസംഗത്തിനിടെ പറഞ്ഞിരുന്നു. ഇത് കടകംപള്ളിയെ ഉദ്ദേശിച്ചാണെന്നാണ് ഉയരുന്ന ആക്ഷേപം.
Discussion about this post