നമുക്ക് തോന്നുന്ന പല വികാരങ്ങളും ചിലപ്പോഴൊക്കെ പ്രകടിപ്പിക്കാൻ സാധിക്കാറില്ല. പ്രത്യേകിച്ച് സങ്കടം. സങ്കടം വന്നാലും മറ്റുള്ളർ കാണാതെ കരച്ചിലടക്കുന്നവരാണ് പലരും. അതിന് പ്രധാന കാരണം, കരയുന്നവർ ദുർബലരാണ് എന്ന ചിന്താഗതിയാണ്.
എന്നാൽ, ന്യൂയോർക്കിൽ സങ്കടം വരുന്നവർക്ക് അങ്ങനെ കരച്ചിലടക്കേണ്ടി വരില്ല. അവർക്ക് കരയാൻ മാത്രമായി ഒരു മുറി ഇവിടെ തയ്യാറാണ്. ന്യുയോർക്ക് സിറ്റിയിലെ സോബ് പാർലറാണ് അങ്ങനെ ആളുകളുടെ വികാരങ്ങൾ തുറന്ന് പ്രകടിപ്പിക്കാൻ അവസരമൊരുക്കിയിരിക്കുന്നത്. അതിന് വേണ്ടി അവർ ക്രൈ റൂമുകൾ ഒരുക്കിയിരിക്കുന്നു.
ആൻണി വില്ലയോട്ടിയാണ് ഇത്തരത്തിൽ കരയാനുള്ള ഒരു റൂം എന്ന ഒരു ആശയം ഉണ്ടാക്കുന്നത്. 2023ൽ ആണ് ഈ പാർലർ ഒരുക്കുന്നത്. കരയാൻ ആഗ്രഹിക്കുന്ന ഏതൊരാൾക്കും ഇവിടേയ്ക്ക് വരാം. എന്നാൽ, മനശാസ്ത്രപരമോ മറ്റേതെങ്കിലും തരത്തിലുള്ള സഹായങ്ങളോ ഈ റൂമിൽ നിങ്ങൾക്ക് ലഭിക്കില്ല. റൂം മുഴുവൻ ഡിസൈൻ ചെയ്തിരിക്കുന്നത് കരയാൻ പറ്റിയ രീതിയിലാണ്. ഇവിടുത്തെ കണ്ണാടിക്ക് പോലും കണ്ണുനീർ തുള്ളിയുടെ ആകൃതിയാണ്.
ക്രൈ റൂമിലെത്തി ഒന്ന് കരഞ്ഞു കഴിഞ്ഞാൽ വല്ലാത്തൊരു ആശ്വാസമാണെന്നാണ് ഇവിടുത്തെ കസ്റ്റമേഴ്സ് പറയുന്നത്.
Discussion about this post