തിരുവനന്തപുരം: കേന്ദ്ര ആഭ്യന്തര മന്ത്രി അമിത് ഷാ അടുത്ത മാസം കേരളത്തിൽ. മാർച്ച് അഞ്ചിന് അദ്ദേഹം തൃശ്ശൂർ സന്ദർശിക്കും. ബിജെപി അദ്ധ്യക്ഷൻ കെ സുരേന്ദ്രനാണ് ഇക്കാര്യം അറിയിച്ചത്.
ഇടത് സർക്കാരിന്റെ ദുർഭരണത്തിനെതിരായി വടക്കുന്നാഥ ക്ഷേത്ര മൈതാനിയിൽ ബിജെപി റാലി സംഘടിപ്പിക്കുന്നുണ്ട്. ഇതിൽ പങ്കെടുക്കുന്ന അമിത് ഷാ ജനങ്ങളെ അഭിസംബോധന ചെയ്യും. ഇതിന് പിന്നാലെ നടക്കുന്ന ബിജെപി യോഗത്തിൽ അമിത് ഷാ പങ്കെടുക്കും. ശേഷം ശക്തൻ തമ്പുരാൻ സ്മാരക വേദിയിൽ അമിത് ഷാ പുഷ്പാർച്ചന നടത്തും.
അമിത്ഷാ വരുമ്പോൾ പ്രതിലോമ ശക്തികൾക്ക് വെപ്രാളമുണ്ടാകുന്നത് സ്വാഭാവികമാണെന്ന് സുരേന്ദ്രൻ പറഞ്ഞു. മതഭീകരവാദികളെ സഹായിക്കുന്നവർക്കും അഴിമതിക്കാർക്കും അമിത്ഷാ പേടി സ്വപ്നമാണ്. പൊതുമരാമത്ത് മന്ത്രിയുടെ വാക്കുകളിൽ ആ ഭയം കാണാനുണ്ട്. അമിത്ഷാ വരുന്നത് ഗോവിന്ദന്റെ യാത്ര കണ്ടിട്ടാണെന്ന് പറയുന്നവരോട് സഹതാപം മാത്രം. കേന്ദ്രസർക്കാർ പദ്ധതികൾ അട്ടിമറിക്കുന്ന ഇടത് സർക്കാരിന്റെ പ്രവർത്തനം തുറന്ന് കാണിക്കാനാണ് അമിത്ഷാ വരുന്നതെന്നും സുരേന്ദ്രൻ വ്യക്തമാക്കി.
Discussion about this post