കാസര്ഗോഡ്: പെര്ളയ്ക്കടുത്ത് പുത്തൂരില് മുസ്ലിംലീഗ് രൂപീകരിച്ച സി.എച്ച്.മുഹമ്മദ് കോയ ട്രസ്റ്റിന്റെ അധീനതയിലുള്ള പെര്ള നളന്ദ കോളജ് ആര്എസ്എസ് നിയന്ത്രത്തിലുള്ള പുത്തൂര് വിവേകാനന്ദ ട്രസ്റ്റിനു കൈമാറുന്നു. മൂന്നര കോടി രൂപയ്ക്കാണു കൈമാറ്റം. കൈമാറ്റ നടപടികള് ഇന്ന് നടക്കും.
2002ല് മുസ്ലിംലീഗ് ജില്ലാ പ്രസിഡന്റ് ചെര്ക്കളം അബ്ദുള്ള മുന്കൈയെടുത്താണു സി.എച്ച്.മുഹമ്മദ്കോയ സെന്റര് ഫോര് ഡവലപ്മെന്റ് ഓഫ് എഡ്യുക്കേഷന് സയന്സ് ആന്ഡ് ടെക്നോളജി ട്രസ്റ്റ് രൂപീകരിച്ചത്. ചെര്ക്കളം അബ്ദുള്ളയുടെ മകന് കബീറിനായിരുന്നു കോളജിന്റെ നടത്തിപ്പ് ചുമതല. ബിബിഎം, എംബിഎ, അക്കൗണ്ടന്സി, രസതന്ത്രം എന്നീ ബിരുദ-ബിരുദാനന്തര കോഴ്സുകളാണു കോളജില് പഠിപ്പിക്കുന്നത്.
ഗ്രാമീണ മേഖലയില് വിദ്യാഭ്യാസ പ്രവര്ത്തനങ്ങള് നടത്തുന്നതിന്റെ ഭാഗമായായിരുന്നു ലീഗ് ട്രസ്റ്റ് രൂപീകരിച്ച് കോളേജിന്റെ നടത്തിപ്പ് ഏറ്റെടുത്തത്. പുതിയ കാലഘട്ടത്തിന് യോജിച്ച നവീനമായ കോഴ്സുകള് കോളേജില് തുടങ്ങാനാണ് വിവേകാനന്ദ ട്രസ്റ്റിന്റെ നടപടി.
വിദ്യാഭ്യാസരംഗത്തു നിരവധി സ്ഥാപനങ്ങള് വിവേകാനന്ദ ട്രസ്റ്റ് നടത്തുന്നുണ്ട്.
പെര്ള നളന്ദ ആര്ട്സ് ആന്ഡ് സയന്സ് കോളജ് വിവേകാനന്ദ ട്രസ്റ്റ് ഏറ്റെടുക്കുന്നതോടെ കോളജിലെ ഇരുപതോളം വരുന്ന അധ്യാപകര് ജോലി നഷ്ടമാകുമെന്ന ആശങ്കയിലാണ്.
Discussion about this post