”അച്ഛന് ബി.ജെ.പി.യിലെത്തി എം.പി.യായപ്പോള് ഏറ്റവും കൂടുതല് ടോര്ച്ചറിംഗ് അനുഭവിച്ചത് ഞാനായിരുന്നു. ബാംഗ്ലൂര് ക്രൈസ്റ്റ് കോളജില് അവസാന വര്ഷം പഠിക്കുമ്പോഴാണ് അച്ഛന് ബി.ജെ.പി.യുടെ എം.പി.യായത്. ഈ ഘട്ടത്തില് റെഗുലര് പരീക്ഷയില്നിന്നു പോലും ഓരോ കാരണങ്ങള് പറഞ്ഞ് മാറ്റിനിര്ത്തി മാനസികമായി ടോര്ച്ചറിംഗ് ചെയ്തു. ഇതെന്നെ മാനസികമായി വളരെയേറെ വിഷമിപ്പിച്ചു”.പറയുന്നത് നടനും എംപിയുമായ സുരേഷ് ഗോപിയുടെ മകന് ഗോകുല്. ഒരു മാധ്യമത്തിന് നല്കിയ അഭിമുഖത്തിലായിരുന്നു ഗോകുലിന്റെ വാക്കുകള്.
അച്ഛന്റെ ആക്്ഷന് കഥാപാത്രങ്ങള് എനിക്കിഷ്ടമാണെന്നും ഗോകുല് പറഞ്ഞു. വാഴുന്നോര്, ലേലം തുടങ്ങിയ ചിത്രങ്ങള് ഇഷ്ടമാണ്. അച്ഛന് കോമഡി വേഷങ്ങള് ചെയ്യുന്നതിനോട് എനിക്കു താല്പര്യമില്ല. എന്നാല് അപ്പോത്തിക്കിരി, മേല്വിലാസം, കളിയാട്ടം, പൊന്നുച്ചാമി തുടങ്ങിയ ചിത്രങ്ങളിലെ അഭിനയം എനിക്കിഷ്ടമാണെന്നും ഗോകുല് പറഞ്ഞു.
.അച്ഛന്റെ പോലീസ് വേഷങ്ങള് കാണുമ്പോള് നല്ല ആവേശമാണ്. ഭരത്ചന്ദ്രനായി അഭിനയിക്കുന്ന സമയത്ത് അച്ഛന് വീട്ടിലെത്തുമ്പോള് ഞാനും അനിയത്തി ഭാഗ്യവും ചേര്ന്ന് അച്ഛനെ സല്യൂട്ട് ചെയ്യാറുണ്ട്. എന്നാല് ഇപ്പോള് എം.പി.യായതിനു ശേഷം പോലീസുകാര് അച്ഛനെ സല്യൂട്ട് ചെയ്യുന്നതു കാണുമ്പോള് വളരെയധികം അഭിമാനം തോന്നാറുണ്ടെന്നും ഗോകുല് പറഞ്ഞു.
Discussion about this post