കൊച്ചി: തോമസ് ചാണ്ടി വിഷയത്തില് മന്ത്രിസഭയുടെ കൂട്ടുത്തരവാദിത്വം നഷ്ടപ്പെട്ടെന്ന ഹൈക്കോടതി പരാമര്ശത്തിന്റെ സാഹചര്യത്തില് മുഖ്യമന്ത്രി പിണറായി വിജയന് സ്ഥാനം ഒഴിയണമെന്നാവശ്യപ്പെട്ട് ഹര്ജി.
തോമസ് ചാണ്ടിയുടെ ഹര്ജിയും മന്ത്രിസഭാ ബഹിഷ്ക്കരണവും ഹര്ജിയില് പരാമര്ശിച്ചിട്ടുണ്ട്.
മുഖ്യമന്ത്രിക്കും മന്ത്രിസഭയ്ക്കുമുള്ള ഭരണഘടനാപരമായ അവകാശം നഷ്ടപ്പെട്ടെന്ന് ചൂണ്ടിക്കാട്ടി നേമം സ്വദേശിയും കേരള യൂണിവേഴ്സിറ്റി മുന് സിന്ഡിക്കേറ്റ് അംഗവുമായ ആര്.എസ് ശശികുമാറാണ് ഹൈക്കോടതിയില് ഹര്ജി നല്കിയിരിക്കുന്നത്.
മന്ത്രിക്കു സ്വന്തം സര്ക്കാരിനെയോ മുഖ്യമന്ത്രിയെയോ വിശ്വാസമില്ലെന്നാണെങ്കില്, ഇതുതന്നെ അയോഗ്യതയ്ക്കു പറ്റിയ കാരണമാണ്. മന്ത്രിക്കു സ്വന്തം മന്ത്രിസഭയെ കുറ്റപ്പെടുത്താനാകുമോ? കേട്ടുകേള്വിയില്ലാത്ത കാര്യമാണത്. സര്ക്കാരിനെതിരെ മന്ത്രി ഹര്ജി നല്കിയ ചരിത്രം ഈ കോടതിയിലോ ഇന്ത്യയിലെ ഏതെങ്കിലും കോടതിയിലോ ഇല്ലെന്നും ഹൈകോടതി പറഞ്ഞിരുന്നു.
Discussion about this post