ജിദ്ദ:യമനില് ഹൂതി വിമതര്ക്കെതിരെ സൗദി അറേബ്യയുടെ നേതൃത്വത്തില് ‘ഓപറേഷന് ഡിസിസീവ് സ്റ്റോം’ എന്ന പേരില് മൂന്നാഴ്ചയോളമായി തുടരുന്ന വ്യോമാക്രമണം അവസാനിപ്പിച്ചതായി സൗദി പ്രതിരോധ മന്ത്രാലയം. ജി.സി.സി രാഷ്ട്രങ്ങളുടെ പിന്തുണയോടെ സംഘടിപ്പിക്കപ്പെട്ട സൈനികാക്രമണം പൂര്ണ വിജയമായിരുന്നുവെന്നും ഹൂതികളുടെ മുന്നേറ്റത്തെ പൂര്ണമായും ഇല്ലാതാക്കാന് കഴിഞ്ഞുവെന്നും മന്ത്രാലയം വ്യക്തമാക്കി. അതേസമയം യമനിലെ സൈനിക ഇടപെടല് സൗദി അവസാനിപ്പിക്കില്ല. ‘ഓപറേഷന് റീസ്റ്റോറിങ് ഹോപ്’ എന്ന പേരില് പുതിയ സൈനിക ദൗത്യത്തിന് തുടക്കം കുറിക്കുമെന്നും സൗദി പ്രതിരോധ മന്ത്രാലയം പുറത്തിറക്കിയ വാര്ത്താകുറിപ്പില് അറിയിച്ചു. ബുധനാഴ്ച തന്നെ ദൗത്യം ആരംഭിക്കനാണ് തീരുമാനം.
സൗദിക്കും അയല് രാജ്യങ്ങള്ക്കും നേരെയുണ്ടായിരുന്ന ഹൂതി ഭീഷണി പൂര്ണമായും അവസാനിപ്പിച്ചുവെന്ന് ഉറപ്പാക്കിയ ശേഷമാണ് വ്യോമാക്രമണം അവസാനിപ്പിക്കാന് തീരുമാനിച്ചതെന്ന് ജനറല് അഹമ്മദ് അസീറി റിയാദില് മാധ്യമപ്രവര്ത്തകരോട് പറഞ്ഞു.
വ്യോമാമ്രകണം നിര്ത്തിവെക്കണമെന്ന് യമന് പ്രസിഡന്റ് മന്സൂര് ഹാദിയും ആവശ്യപ്പെട്ടിരുന്നതായി അദ്ദേഹം വെളിപ്പെടുത്തി. ഇത്തരമൊരു നീക്കം വെടിനിര്ത്തലിന്േറതല്ളെന്നും കൂടുതല് ശക്തമായ ദൗത്യത്തിന്റെ തുടക്കം മാത്രമാണെന്നും അദ്ദേഹം കൂട്ടിച്ചേര്ത്തു.
രാഷ്ട്രീയപരിഹാരം മുതല് യമന്റെ ജി.സി.സി അംഗത്വം വരെ ഇനിയുള്ള ദൗത്യത്തിന്റെ ഭാഗമാണെന്നും സൗദി വ്യക്തമാക്കി.
Discussion about this post