കോഴിക്കോട്: ഇര എന്ന സിനിമയുടെ ക്ലൈമാക്‌സും സസ്‌പെന്‍സും വിവരിച്ചുകൊണ്ടുള്ള മാതൃഭൂമിയുടെ ചലച്ചിത്ര നിരൂപണത്തിനെതിരെ പ്രതിഷേധം ശക്തമാകുന്നു. മാതൃഭൂമി കാണിച്ചത് ഷണ്ഡത്വമാണ് എന്ന സംവിധായകന്‍ വെശാഖിന്റെ പ്രതികരണത്തിന് പിന്നിലെ പത്രം ടോയ്‌ലറ്റ് പേപ്പറായി ഉപയോഗിക്കാന്‍ പോകുന്നുവെന്ന പ്രഖ്യാപനവുമായി ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിച്ച പ്രശാന്ത് അലക്‌സാണ്ടറും രംഗത്തെത്തി.
ഫേസ്ബുക്ക് വീഡിയോ ലൈവിലൂടെയാണ് പ്രശാന്ത് ഇക്കാര്യം പ്രഖ്യാപിച്ചത്. ഒരു പുതിയ സംസ്‌ക്കാരത്തിന് ഞാനിന്ന് തുടക്കം കുറിക്കുകയാണ് എന്ന് പറഞ്ഞുകൊണ്ടാണ് പ്രശാന്തിന്റെ വീഡിയോ ആരംഭിക്കുന്നത്. ‘ബാത്‌റൂമില്‍ ടിഷ്യൂ പേപ്പര്‍ ഉപയോഗിക്കാന്‍ ഞാന്‍ തീരുമാനിച്ചു. ഇന്ന് രാവിലെയാണ് തീരുമാനിച്ചത്. പക്ഷേ അതുകൊണ്ട് അത് വാങ്ങിച്ചുവെക്കാന്‍ കഴിഞ്ഞില്ല. പക്ഷേ അതിനേക്കാള്‍ നല്ല സാധനം ഉണ്ട് എന്ന് പൊതുവെ എല്ലാവരും പറഞ്ഞറിഞ്ഞതുകൊണ്ട് ഞാന്‍ ഇത് ഉപയോഗിക്കുന്നു’ ‘ഇന്ന് മുതല്‍ ഇതാണ് എന്റെ ടോയ്‌ലറ്റ് പേപ്പര്‍. ഈ പത്രത്തിന്റെ ആദ്യത്തെ വാക്ക് ഞാന്‍ കാണിക്കുന്നില്ല. കാരണം അതില്‍ അമ്മ എന്നതിന്റെ അര്‍ത്ഥം വരും. ഇതുമായി ഞാന്‍ എന്റെ പുതിയ സംസ്‌ക്കാരത്തിന് തുടക്കം കുറിക്കുകയാണ്. ഇതുവെച്ച് തുടയ്ക്കുമ്പോള്‍ മറ്റ് ആരോഗ്യപ്രശ്‌നങ്ങള്‍ അല്ലെങ്കില്‍ സ്‌കിന്‍ പ്രോബ്ലംസ് ഉണ്ടാകുമോ എന്നതുമാത്രമാണ് ആകെ ഉള്ളൊരു ടെന്‍ഷന്‍. പക്ഷേ ഇര എന്ന സിനിമയ്ക്ക് വേണ്ടി, മലയാള സിനിമയ്ക്ക് വേണ്ടി ആ ആരോഗ്യപ്രശ്‌നം ഏറ്റെടുക്കാനും ഞാന്‍ തയ്യാറാണ്’ എന്നുപറഞ്ഞാണ് വീഡിയോ അവസാനിപ്പിക്കുന്നത്.
https://www.facebook.com/vysakh.film.director/videos/826838100845429/
Discussion about this post