കോഴിക്കോട്; സംസ്ഥാനത്ത് വീണ്ടും ഭീതി പരത്തി പനി മരണം. കോഴിക്കോട് ചികിത്സയിലായിരുന്ന പേരാമ്പ്ര താലൂക്ക് ആശുപത്രി നഴ്സും പെരുവണ്ണാമൂഴി ചെമ്പനോട സ്വദേശിയുമായ ലിനി പുതുശേരി (31) ആണ് മരിച്ചത്. നിപ്പാ വൈറസ് ബാധിച്ചു മരിച്ച ചങ്ങരോത്തെ സഹോദരങ്ങളെ പേരാമ്പ്ര താലൂക്കാശുപത്രിയില് ശുശ്രൂഷിച്ചതു ലിനിയാണ്.
തിങ്കളാഴ്ച പുലര്ച്ചെ കോഴിക്കോട് മെഡിക്കല് കോളജ് ആശുപത്രിയിലാണു മരണം. വൈറസ് ബാധ പടരാതിരിക്കാന് മൃതദേഹം ബന്ധുക്കള്ക്കു വിട്ടുകൊടുക്കാതെ വൈദ്യുതി ശ്മശാനത്തില് സംസ്കരിച്ചതായി ആരോഗ്യവകുപ്പ് അറിയിച്ചു. ഇതോടെ, നിപ്പാ വൈറസ് ബാധയുടെ പശ്ചാത്തലത്തില് പനി മരണം 16 ആയി.
Discussion about this post