കുട്ടികളുടെ നഗ്നചിത്രങ്ങള്‍ പകര്‍ത്തി രാജ്യത്തിന് പുറത്തുള്ള വെബ്സൈറ്റ്കള്‍ക്ക് വില്‍ക്കുന്ന റാക്കറ്റുകളുടെ പ്രവര്‍ത്തനം കേരളത്തില്‍ സജീവമെന്ന് റിപ്പോര്‍ട്ടുകള്‍ . ഇത്തരം പ്രവര്‍ത്തനത്തെക്കുറിച്ച് സൈബര്‍ ഡോമിന് ലഭിച്ചിട്ടുണ്ട് .
ഡാര്‍ക്ക് നെറ്റ് വഴിയാണ് ചിത്രങ്ങള്‍ പുറം രാജ്യങ്ങളിലെ വെബ്‌സൈറ്റുകള്‍ക്ക് വില്‍ക്കുന്നത് . ഡാര്‍ക്ക്‌നെറ്റിലൂടെയുള്ള ചിത്രങ്ങളുടെയും , വീഡിയോകളുടെയും വില്‍പ്പന തടയാന്‍ സംവിധാനങ്ങളില്ല . ഇതിനു തടയിടാനായി രാജ്യാന്തര തലത്തില്‍ പ്രവര്‍ത്തിക്കുന്ന വന്‍കിട സുരക്ഷകമ്പിനിയുമായി ചേര്‍ന്ന്‍ സോഫ്റ്റ്‌വെയര്‍ നിര്‍മ്മിക്കാനുള്ള ഒരുക്കത്തിലാണ് കേരള സൈബര്‍ ഡോം .
ഡാര്‍ക്ക്‌നെറ്റിലൂടെ ചൈന , തായ്ലാന്ഡ് എന്നീ രാജ്യങ്ങളില്‍ നിന്നുള്ള ചില വെബ്സൈറ്റ്കള്‍ പ്രവര്‍ത്തിക്കുന്നതായി ശ്രദ്ധയില്‍പെട്ടിരുന്നു . ഇത്തരം വെബ്സൈറ്റ് വഴി കുട്ടികളുടെ നഗ്നദൃശ്യങ്ങള്‍ വില്‍ക്കുന്നതുമായി ബന്ധപ്പെട്ട പരിശോധനയ്ക്ക് ഇടയിലാണ് കേരളത്തിലെ കുട്ടികളുടെ ദൃശ്യങ്ങളും കണ്ടെത്തിയത് .
പരിശോധനയില്‍ കണ്ടെത്തിയ ദൃശ്യങ്ങളില്‍ കലണ്ടര്‍ കണ്ടതോടുകൂടിയാണ് സൈബര്‍ ഡോം കൂടുതല്‍ പരിശോധന നടത്തിയത് . ഇതിനെ തുടര്‍ന്ന് ചില വെബ്സൈറ്റ്കളില്‍ പെണ്‍കുട്ടികളുടെ അശ്ലീലദൃശങ്ങള്‍ വില്‍ക്കുന്നുണ്ടെന്ന് കണ്ടെത്തി .
കേരളത്തില്‍ നിന്നുള്ള ദൃശ്യങ്ങള്‍ എവിടെ നിന്ന് പകര്‍ത്തിയതാണ് എന്ന് കണ്ടെത്താനായിട്ടില്ലയെന്നു സൈബര്‍ഡോം അധികൃതര്‍ പറയുന്നു .
Discussion about this post