ശബരിമലയില്‍ യുവതി പ്രവേശനം അനുവദിച്ചുകൊണ്ടുള്ള സുപ്രീം കോടതി വിധിക്കെതിരെ നിലപാടെടുത്ത എസ്.എന്‍.ഡി.പി നേതാവ് സെക്രട്ടറി വെള്ളാപ്പള്ളി നടേശനം തള്ളിപ്പറഞ്ഞിരിക്കുകയാണ് ബി.ഡി.ജെ.എസ് അധ്യക്ഷന്‍ തുഷാര്‍ വെള്ളാപ്പള്ളി. ബി.ഡി.ജെ.എസ് ശബരിമല വിഷയത്തിലെ സമരത്തില്‍ പങ്കെടുക്കുമെന്ന് വ്യക്തമാക്കിയിട്ടുണ്ട്. നിലവില്‍ സംസ്ഥാനത്തെ പല ഹൈന്ദവ സംഘടനകളും സമരം നടത്തുന്നുണ്ട്. ഇതിന് പിന്തുണ നല്‍കി ബി.ജെ.പിയും രംഗത്തെത്തിയിട്ടുണ്ട്.
ഇന്ന് പത്തനംതിട്ടയില്‍ ബി.ജെ.പിയുടെ നേതൃത്വത്തില്‍ ലോങ്മാര്‍ച്ച് നടത്തുന്നുണ്ട്. അതു കൂടാതെ കേരളത്തിലെ 200 സ്ഥലങ്ങളില്‍ വിവിധ ഹൈന്ദവ സംഘടനകള്‍ റോഡ് ഉപരോധിക്കുന്നതായിരിക്കും.
അതേസമയം ശബരിമല വിധിയെ മറികടക്കാന്‍ ഓര്‍ഡിനന്‍സ് കൊണ്ട് വരാന്‍ കേന്ദ്ര സര്‍ക്കാരിനോട് ആവശ്യപ്പെടുമെന്നും തുഷാര്‍ വെള്ളാപ്പള്ളി വ്യക്തമാക്കി.
Discussion about this post