സൂപ്പര്സ്റ്റാര് മമ്മൂട്ടി അഭിനയിച്ച ചിത്രത്തിനെതിരെ ആരോപണവുമായി എഴുത്തുകാരി അരുന്ധതി റോയ് രംഗത്തെത്തിരിക്കുകയാണ്. മമ്മൂട്ടി നായകനായെത്തിയ ചിത്രമായ ‘ആബ്രഹാമിന്റെ സന്തതികളി’ല് വംശീയ അധിക്ഷേപമുണ്ടെന്നാണ് അരുന്ധതി റോയിയുടെ വാദം. ചിത്രത്തില് മമ്മൂട്ടിയും ആഫ്രിക്കന് വംശജരും തമ്മില് നടക്കുന്ന സംഘട്ടന രംഗങ്ങളെ ചൂണ്ടിക്കാട്ടിയാണ് ആരോപണം. സാഹിത്യത്തിലെയും സിനിമയിലെയും വംശീയതയെ കുറിച്ച് ഒരു സ്വകാര്യ മാധ്യമത്തിന് നല്കിയ അഭിമുഖത്തിലായിരുന്നു അരുന്ധതി ഇക്കാര്യം പറഞ്ഞത്.
പുരോഗമന ചിന്താഗതിയുള്ള സംസ്ഥാനമായ കേരളത്തിലെ ഒരു സിനിമയായ ‘അബ്രഹാമിന്റെ സന്തതികള്’ കാണാനിടയായെന്നും ചിത്രത്തില് വില്ലന്മാരായ ആഫ്രിക്കക്കാരെ ക്രൂരന്മാരും മണ്ടന്മാരുമായിട്ടാണ് ചിത്രീകരിച്ചിട്ടുള്ളതെന്നും അവര് പറയുന്നു. കേരളത്തില് ആഫ്രിക്കക്കാരില്ലെന്നും വംശീയത കാണിക്കാന് വേണ്ടി മാത്രം ഇവരെ ഇറക്കുമതി ചെയ്തിരിക്കുകയാണെന്നും അവര് പറയുന്നു.
കേരളത്തിലെ സമൂഹവും കലാകാരന്മാരും സിനിമാ നിര്മ്മാതാക്കളും നടന്മാരും ഇതുപോലാണെന്നും ഇരുണ്ട നിറമുള്ളതിനാല് ദക്ഷിണേന്ത്യക്കാരെ ഉത്തരേന്ത്യക്കാര് എങ്ങനെയാണോ പരിഹസിക്കുന്നത് അതേ രീതിയിലാണ് ഇവിടെയുള്ളവര് ആഫ്രിക്കക്കാരെ കളിയാക്കുന്നതെന്നും അരുന്ധതി റോയ് പറയുന്നു.
ഷാജി പാടൂരാണ് ‘അബ്രഹാമിന്റെ സന്തതികള്’ സംവിധാനം ചെയ്തത്. ചിത്രത്തിന്റെ തിരക്കഥയെഴുതിയത് ഹനീഫ് അദേനിയാണ്.
Discussion about this post