ഇന്ത്യയും ന്യൂസിലാന്ഡും തമ്മില് നടക്കുന്ന ട്വന്റി20 പരമ്പരയിലെ രണ്ടാം മത്സരത്തിന് ന്യൂസിലാന്ഡിലെ ഓക്ക്ലാന്ഡിലുള്ള ഈഡന് പാര്ക്ക് സ്റ്റേഡിയത്തില് തുടക്കം. ടോസ് നേടിയ ന്യൂസിലാന്ഡ് ബാറ്റിംഗ് തിരഞ്ഞെടുത്തു.
പൊതുവെ ഈഡന് പാര്ക്ക് ബാറ്റിംഗിന് പറ്റിയ പ്രതലമായത് കൊണ്ടാണ് ബാറ്റിംഗ് തിരഞ്ഞെടുത്തതെന്ന് ന്യൂസിലാന്ഡ് ക്യാപ്റ്റന് കെയ്ന് വില്ല്യംസണ് വ്യക്തമാക്കി. ഇന്ത്യയെ പോലുള്ള ഒരു ശക്തമായ ടീമിനെതിരെ മത്സരിക്കാന് സാധിക്കുന്നത് ഒരു മികച്ച അവസരമാണെന്നും അദ്ദേഹം പറഞ്ഞു.
അതേസമയം ബൗള് ചെയ്യാന് തന്നെയായിരുന്നു ടീമിന്റെ തീരുമാനമെന്ന് ഇന്ത്യന് ക്യാപ്റ്റന് രോഹിത് ശര്മ്മ പറഞ്ഞു. വിജയലക്ഷ്യം പിന്തുടരുന്നതാണ് ഇന്ത്യയുടെ കരുത്തെന്ന് രോഹിത് ശര്മ്മ ചൂണ്ടിക്കാട്ടി.
മൂന്ന് മത്സരങ്ങളുള്ള ട്വന്റി20 പരമ്പരയില് ആദ്യ മത്സരത്തില് ഇന്ത്യ പരാജയം നേരിട്ടിരുന്നു.
അതേസമയം വനിതാ ക്രിക്കറ്റ് ടീമിന്റെ രണ്ടാം ട്വന്റി20 മത്സരത്തില് ഇന്ത്യ ന്യൂസിലാന്ഡിനോട് പരാജയപ്പെട്ടു. ആദ്യം ബാറ്റിംഗിനിറങ്ങിയ ഇന്ത്യ 135 റണ്സാണ് നേടിയത്. തുടക്കത്തില് സ്മൃതി മന്ധാനയും ജെമിമ റോഡ്റീഗ്വസും നല്കിയ മികച്ച തുടക്കം പിന്നീട് മറ്റ് താരങ്ങള്ക്ക് മുന്നോട്ട് കൊണ്ടുപോകാനായില്ല. അതേസമയം ന്യൂസിലാന്ഡിന് മികച്ച വെല്ലുവിളിയായിരുന്നു ഇന്ത്യന് വനിതാ ബൗളര്മാര് നല്കിയത്. 20ാം ഓവറിന്റെ അവസാന പന്തിലായിരുന്നു കീവിസ് വിജയം നേടിയത്.
ട്വന്റി20 പരമ്പരയിലെ ആദ്യ മത്സരത്തിലും ന്യൂസിലാന്ഡായിരുന്നു വിജയിച്ചത്. അതേസമയം ഇന്നത്തെ മത്സരം ഇന്ത്യന് വനിതാ ടീമിന്റെ 100ാംമത്തെ ട്വന്റി20 മത്സരമായിരുന്നു.
Discussion about this post