പിഎം നരേന്ദ്രമോദിയ്ക്കായി നിയമ പോരാട്ടം:ഹര്‍ജി സുപ്രിം കോടതിയില്‍, അഭിപ്രായസ്വാതന്ത്ര്യം തെരഞ്ഞെടുപ്പ് കമ്മീഷന്‍ ലംഘിച്ചുവെന്ന് ഹര്‍ജിയില്‍

പ്രധാനമന്ത്രി നരേന്ദ്രമോദിയുടെ ബയോ പിക് സിനിമ ‘പി എം നരേന്ദ്ര മോദി’യുടെ റിലീസ് തടഞ്ഞതിന് എതിരെ സുപ്രീം കോടതിയില്‍ ഹര്‍ജി.

നരേന്ദ്ര മോദിയുടെ ജീവിതത്തെ ആസ്പദം ആക്കി ചിത്രീകരിച്ച പി എം നരേന്ദ്ര മോദിയുടെ റിലീസ് തടഞ്ഞ തെരഞ്ഞെടുപ്പ് കമ്മീഷന്‍ നടപടി ചോദ്യം ചെയ്ത് സിനിമയുടെ അണിയറ പ്രവര്‍ത്തകരാണ് സുപ്രീം കോടതിയിയെ സമീപിച്ചത്.

Makers of biopic 'PM Narendra Modi' move the Supreme Court against the stalling of the film's release. Supreme Court agrees to hear the case on April 15. pic.twitter.com/QWh6CnPOlb

— ANI (@ANI) April 12, 2019

അഭിപ്രായ സ്വാതന്ത്ര്യത്തിന്റെ ലംഘനം ആണ് കമ്മീഷന്‍ നടപടി എന്ന് നിര്‍മ്മാതാക്കള്‍ ഹര്‍ജിയില്‍ ആരോപിക്കുന്നു. തിങ്കളാഴ്ച ഹര്‍ജി പരിഗണിക്കാന്‍ ശ്രമിക്കാം എന്ന് ചീഫ് ജസ്റ്റിസ് അറിയിച്ചു. 11നാണ് ചിത്രത്തിന്റെ റിലീസ് നിശ്ചയിച്ചിരുന്നത്. തെരഞ്ഞെടുപ്പ് കഴിയും വരെ ചിത്രത്തിന് തെരഞ്ഞെടുപ്പ് കമ്മീഷന്‍ വിലക്ക് ഏര്‍പ്പെടുത്തുകയായിരുന്നു. മോദി പ്രധാനമന്ത്രിയാകുന്നത് വരെയുള്ള കാലഘട്ടമാണ് ചിത്രത്തിലുള്ളതെന്ന് നിര്‍മ്മാതാക്കള്‍ ചൂണ്ടിക്കാട്ടുന്നു. ചിത്രത്തിന് മുതല്‍ മുടക്കിയത് ബിജെപിയല്ലെന്നതും അവര്‍ വ്യക്തമാക്കിയിരുന്നു.