ഒന്‍പത് വയസുകാരി ലൈംഗികമായി പീഡിപ്പിക്കപ്പെട്ടതായി പരാതി. തുമ്പയില്‍ ആണ് സംഭവം. ടെക്‌നോപാര്‍ക്ക് ജീവനക്കാരനെതിരെയാണ് പീഡനാരോപണം ഉന്നയിച്ചിരിക്കുന്നത്. ടെക്‌നോപാര്‍ക്ക് ജീവനക്കാരനെതിരെ കുട്ടിയുടെ മാതാപിതാക്കള്‍ തുമ്പ പോലീസില്‍ പരാതി നല്‍കി. ടെക്‌നോപാര്‍ക്കിലെ ഒരു അനിമേഷന്‍ കമ്പനിയിലെ ജീവനക്കാരനെതിരെയാണ് പരാതി.
ഇയാള്‍ താമസിക്കുന്ന ഫ്‌ളാറ്റില്‍ കുട്ടികളെ ചിത്രരചന പഠിപ്പിക്കുന്നുണ്ട്. ഇയാളുടെ ഫ്‌ളാറ്റില്‍ ചിത്രരചന പഠിക്കാനെത്തിയ അയല്‍വാസിയായ കുട്ടിയെയാണ് പീഡിപ്പിച്ചതായി പരാതി. കുട്ടിയുടെ പെരുമാറ്റത്തില്‍ അസ്വാഭാവികത തോന്നിയ രക്ഷിതാക്കള്‍ നടത്തിയ അന്വേഷണത്തിലാണ് പീഡനവിവരം പുറത്തറിഞ്ഞത്. ഇയാള്‍ക്കെതിരെ പോക്‌സോ നിയമപ്രകാരം കേസ് രജിസ്റ്റര്‍ ചെയ്തതായി തുമ്പ പോലീസ് അറിയിച്ചു.
Discussion about this post