പാലാരിവട്ടം മേല്പാലം അഴിമതിക്കേസിലെ അന്വേഷണം തടസപ്പെടരുതെന്ന് ഹൈക്കോടതി.ആരെന്തു പറഞ്ഞാലും പാലത്തിന് ബലക്ഷയം ഉണ്ടായെന്നത് സത്യമാണ്. അത് പൊളിക്കേണ്ട അവസ്ഥയിലാണെന്നും കോടി ചൂണ്ടികാട്ടി. കേസിലെ പ്രതികളായ ടി ഒ സൂരജ് അടക്കമുള്ളവരുടെ ജാമ്യാപേക്ഷ പരിഗണിക്കുമ്പോഴാണ് കോടതിയുടെ നിരീക്ഷണം.
കേസിൽ പ്രതികൾക്കെതിരെയുള്ള തെളിവുകൾ സീൽ ചെയ്ത കവറിൽ സമർപ്പിക്കണം. കേസ് ഡയറി ഹാജരാക്കണമെന്നും കോടതി നിര്ദ്ദേശിച്ചു. ഹർജികൾ വെള്ളിയാഴ്ച്ച വീണ്ടും പരിഗണിക്കും
അതേസമയം, ടി. ഒ. സൂരജിനെ വിജിലന്സ് വീണ്ടും ചോദ്യംചെയ്യും. ഇതിനായി മൂവാറ്റുപുഴ വിജിലന്സ് കോടതിയില് അപേക്ഷ സമര്പ്പിച്ചു. ഉന്നത രാഷ്ട്രീയ നേതാക്കൾക്ക് ഗൂഢാലോചനയിൽ പങ്കുണ്ടെന്ന് വിജിലൻസ് കണ്ടെത്തിയിരുന്നു. ഈ സാഹചര്യത്തിലാണ് സൂരജിനെ വീണ്ടും ചോദ്യം ചെയ്യാൻ വിജിലൻസ് തീരുമാനിച്ചത്.സൂരജിനെതിരെ ശക്തമായ തെളിവുണ്ടെന്നാണ് വിജിലൻസ് പറയുന്നത്.
Discussion about this post