എന് എസ് എസ് ജനറല് സെക്രട്ടറി ജി സുകുമാരന് നായര്ക്കെതിരെ രൂക്ഷ വിമര്ശനവുമായി കോടിയേരി ബാലകൃഷ്ണന്.എന് എസ് എസ് ജനറല് സെക്രട്ടറി യുഡിഎഫ് കണ്വീനറെ പോലെ പ്രവര്ത്തിക്കുന്നുവെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു.പാലായില് തകര്ന്നടിഞ്ഞ യുഡിഎഫിന് ജീവന് കൊടുക്കാനാണ് ശ്രമം നടക്കുന്നത്.യുഡിഎഫിന് പിന്തുണ നല്കണമെന്ന നിലപാട് എന്എസ്എസ് ജനറല് സെക്രട്ടറിയുടേതാണ്. അതില് ദുരുദ്ദേശ്യമുണ്ട്. അത് പരിശോധിക്കണം.കരയോഗങ്ങളില് നിന്ന് തന്നെ ഇതിനെതിരെ എതിര്പ്പുയരുന്നുണ്ട്.സമുദായ നേതാക്കള് തന്നെ ഇത് തള്ളക്കളയുമെന്നും അദ്ദേഹം പറഞ്ഞു.
എന്എസ്എസിനെതിരെ തെരഞ്ഞെടുപ്പ് കമ്മീഷന് പരാതി നല്കിയതായും കോടിയേരി പറഞ്ഞു. മത-സാമുദായിക സംഘടനകള് രാഷ്ട്രീയത്തില് ഇടപെടാന് പാടില്ല. അങ്ങനെ ഇടപെടുന്നത് മതനിരപേക്ഷ അടിത്തറ തകര്ക്കും. കേരളം മതനിരപേക്ഷ അടിത്തറയുള്ള ഒരു സംസ്ഥാനമാണ്. ഇത്തരത്തിലുള്ള ഇടപെടലുകള് ഭാവിയില് ഈ അടിത്തറ ഇളക്കുന്നതിലേക്ക് ചെന്നെത്തിക്കും.ഒരു സമുദായ സംഘടന ഒരു പാര്ട്ടിക്ക് വേണ്ടി സ്ക്വാഡ് രൂപീകരിച്ച് പ്രവര്ത്തിക്കുന്നത് വിചിത്രമാണെന്നും അദ്ദേഹം കൂട്ടിച്ചേര്ത്തു.
Discussion about this post