ന്യൂഡൽഹി; കോൺഗ്രസിന്റെ പാകിസ്താൻ പ്രീണനത്തെ തുറന്നുകാട്ടി പ്രധാനമന്ത്രി നരേന്ദ്രമോദി. ‘ഷെഹ്സാദ’യെ പ്രധാനമന്ത്രിയാക്കാൻ പാകിസ്താൻ ആഗ്രഹിക്കുന്നുവെന്ന് നരേന്ദ്രമോദി പരിഹസിച്ചുകോൺഗ്രസ് പാർട്ടി പാകിസ്താന്റെ ‘മുരീദ്’ (അനുയായി) ആണെന്നും അദ്ദേഹം കുറ്റപ്പെടുത്തി. ഗുജറാത്തിലെ ആനന്ദിൽ ഒരു തിരഞ്ഞെടുപ്പ് റാലിയെ അഭിസംബോധന ചെയ്തുകൊണ്ടായിരുന്നു പ്രധാനമന്ത്രിയുടെ ഈ പരാമർശം.
‘കോൺഗ്രസ് ഇവിടെ മരിക്കുന്നു, പാകിസ്താനികൾ കരയുന്നു,’ ‘പാകിസ്താനി നേതാക്കൾ കോൺഗ്രസിന്റെ ഇന്ത്യയുടെ പ്രധാനമന്ത്രിയായി ‘ഷെഹ്‌സാദയെ’ ആക്കാനാണ് ആഗ്രഹിക്കുന്നത്. പാകിസ്താനിലെ ഇമ്രാൻ ഖാന്റെ മന്ത്രിസഭയിലെ മന്ത്രിയായിരുന്ന ചൗധരി ഫവാദ് ഹുസൈൻ ബുധനാഴ്ച രാഹുൽ ഗാന്ധിയെ പ്രശംസിച്ച സാഹചര്യത്തിലാണ് പ്രധാനമന്ത്രിയുടെ പരാമർശം .
60 വർഷത്തെ കോൺഗ്രസിന്റെ ഭരണവും 10 വർഷമായി ബിജെപിയുടെ സേവകാലവുമാണ് രാജ്യം കണ്ടതെന്നും കോൺഗ്രസിന്റെ 60 വർഷത്തെ ഭരണത്തിൽ 60 ശതമാനം ഗ്രാമീണർക്കും ഉണ്ടായിരുന്നില്ലെന്നും കോൺഗ്രസ് പാർട്ടിയെ ആഞ്ഞടിച്ച് പ്രധാനമന്ത്രി മോദി പറഞ്ഞു. വെറും 10 വർഷം കൊണ്ടാണ് ബിജെപി ഇത് പൂർത്തീകരിച്ചത്.
‘ഞാൻ വർഷങ്ങളായി ഗുജറാത്തിൽ ജോലി ചെയ്യുന്നു. 2014-ൽ നിങ്ങൾ എന്നെ രാജ്യത്തെ സേവിക്കാൻ അയച്ചു. ഗുജറാത്തിൽ ജോലി ചെയ്യുമ്പോൾ ഗുജറാത്തിന്റെ വികസനം ഇന്ത്യയുടെ വികസനത്തിന് എന്ന മന്ത്രം ഞങ്ങൾക്കുണ്ടായിരുന്നു. 100 വർഷം തികയുമ്പോൾ എനിക്ക് ഒരേയൊരു സ്വപ്നം മാത്രമേയുള്ളൂ. 2047-ൽ സ്വാതന്ത്ര്യം ലഭിക്കുമ്പോൾ ഇന്ത്യ ഒരു ‘വിക്ഷിത് ഭാരത്’ ആകണം,’ പ്രധാനമന്ത്രി പറഞ്ഞു.
Discussion about this post