മഹാരാഷ്ട്രയിൽ ബിജെപിയ്ക്ക് പിന്തുണയുമായി കൂടുതൽ സ്വതന്ത്ര എംഎൽഎമാർ. സൂരജ്യശക്തി പാർട്ടി നേതാവും ഷാഹുവാഡി എംഎൽഎയുമായ വിനയ് കോരെ ബിജെപിയ്ക്ക് പിന്തുണ പ്രഖ്യാപിച്ചു. മുഖ്യമന്ത്രി ദേവേന്ദ്ര ഫഡ്നാവിസിനെ സന്ദർശിച്ച ശേഷം പിന്തുണ അറിയിച്ചു. ഒക്ടോബർ 21 ന് നടന്ന തെരഞ്ഞെടുപ്പിൽ സേനയുടെ ബാബാ സാഹേബ് പാട്ടീൽ സരൂദ്കറിനെ 27,000 വോട്ടുകൾക്ക് കോരെ പരാജയപ്പെടുത്തിയിരുന്നു.
വാരണാ നഗറിലെ ശ്രീ വാരണ വ്യവസായ സമുച്ചയത്തിന്റെ പ്രസിഡന്റാണ് കോരെ. കഴിഞ്ഞ ദിവസം സ്വതന്ത്ര എംഎൽഎമാരായ വിനോദ് അഗർവാൾ, മഹേഷ് ബൽഡി എന്നിവരും ബിജെപിയ്ക്ക് പിന്തുണ അറിയിച്ചിട്ടുണ്ട്. മഹേഷ് ബാൽഡി യുറൻ നിയോജക മണ്ഡലത്തിൽ നിന്ന് 5710 വോട്ടുകൾ നേടി. വിനോദ് അഗർവാൾ ഗോണ്ടിയ നിയോജകമണ്ഡലത്തിൽ നിന്ന് മത്സരിച്ച് 75827 വോട്ടുകൾ നേടി.
വിമത എംഎൽഎമാരും ബിജെപിയ്ക്ക് പിന്തുണ അറിയിച്ചിട്ടുണ്ട്. മീരാ ഭായേന്ദർ റേഡിൽ നിന്ന് മത്സരിച്ച വിമത എംഎൽഎ ഗീത ജെയിൻ ഫഡ്നാവിസിന് പിന്തുണ അറിയിച്ചിരുന്നു. ബാർഷി നിയോജക മണ്ഡലത്തിലെ സ്വതന്ത്ര എംഎൽഎ രാജേന്ദ്ര റൗത്തും പിന്തുണ പ്രഖ്യാപിച്ചിട്ടുണ്ട്.
Discussion about this post