ഇന്ത്യയ്‌ക്കെതിരായ ഒന്നാം ക്രിക്കറ്റ് ടെസ്റ്റില്‍ ടോസ് നേടിയ ബംഗ്ലാദേശ് ബാറ്റിങ് തെരഞ്ഞെടുത്തു. രണ്ട് ടെസ്റ്റുകളാണ് പരമ്പരയിലുള്ളത്. നേരത്തെ, മൂന്ന് മത്സരങ്ങളുടെ ടി20 പരമ്പര ഇന്ത്യ സ്വന്തമാക്കിയിരുന്നു. മത്സരത്തിലെ രണ്ടാം ടെസ്റ്റ് കൊല്‍ക്കത്തയില്‍ പകലും രാത്രിയിലുമായി നടക്കും.
ലോക ഒന്നാം നമ്പര്‍ ടീമായ ഇന്ത്യ എല്ലാ ആയുധങ്ങളും ഉപയോഗിക്കും. ട്വന്റി 20 പരമ്പരയില്‍ വിശ്രമത്തിലായിരുന്ന കോഹ് ലി തിരിച്ചെത്തി.
ദക്ഷിണാഫ്രിക്കയ്ക്കെതിരായ പരമ്പരയിലെ മിന്നുന്ന സെഞ്ച്വറികളോടെ രോഹിത് ഓപ്പണർ പൊസിഷനിൽ സ്ഥിരമായിക്കഴിഞ്ഞു. യുവതാരം മായാങ്ക്, രവീന്ദ്ര ജഡേജ, വിക്കറ്റ് കീപ്പർ സാഹ എന്നിവരും ദക്ഷിണാഫ്രിക്കയ്ക്കെതിരായ പരമ്പരയിൽ ഗംഭീര ഫോമിലായിരുന്നു.
ജസ്‌പ്രീത് ബുംറ പരിക്കിൽ നിന്ന് മോചിതനാകാത്തതിനാൽ കഴിഞ്ഞ പരമ്പരയിലേതുപോലെ മുഹമ്മദ് ഷമി, ഇശാന്ത് ശർമ്മ, ഉമേഷ് യാദവ് സഖ്യമാകും ഇൻഡോറിലെ പേസിനെ തുണച്ചേക്കാവുന്ന പിച്ചിൽ കളിക്കാനിറങ്ങുക. സ്പെഷ്യലിസ്റ്റ് സ്പിന്നർ അശ്വിനൊപ്പം ജഡേജയുമുണ്ടാകും.
Discussion about this post