‘നരേന്ദ്ര മോദി ഇന്ത്യയിൽ ഹിന്ദുരാഷ്ട്രം സ്ഥാപിക്കാൻ ഒരുങ്ങുന്നു‘; പൗരത്വ നിയമ ഭേദഗതിയിൽ ഇന്ത്യയിൽ നടക്കുന്ന അതിക്രമങ്ങളെ പിന്തുണച്ച് ഇമ്രാൻ ഖാൻ

പൗരത്വ നിയമ ഭേദഗതിയുമായി ബന്ധപ്പെട്ട് ഇന്ത്യയിൽ നടക്കുന്ന അതിക്രമങ്ങളെ പിന്തുണച്ച് പാകിസ്ഥാൻ പ്രധാനമന്ത്രി ഇമ്രാൻ ഖാന്റെ ട്വീറ്റ്. കഴിഞ്ഞ അഞ്ച് വർഷമായി നരേന്ദ്ര മോദി ഇന്ത്യയെ ഹിന്ദു രാഷ്ട്രമാക്കാൻ ശ്രമിക്കുകയാണ്. മോദിയുടേത് ഹിന്ദുത്വ സിദ്ധാന്തമാണ്. ഇന്ത്യയിൽ പൗരത്വ നിയമ ഭേദഗതിക്കെതിരെ നടക്കുന്ന പ്രതിഷേധങ്ങൾ വലിയ പ്രക്ഷോഭമായി വളരുകയാണെന്നും ഇമ്രാൻ അഭിപ്രായപ്പെടുന്നു.

അതേസമയം നീലം താഴ്വരയിൽ നടക്കുന്ന ഏറ്റുമുട്ടലിനെക്കുറിച്ചും ഇമ്രാൻ ഖാൻ പരോക്ഷ സൂചന നൽകുന്നുണ്ട്. ഇന്ത്യൻ കരസേന മേധാവിയുടെ പ്രസ്താവനകൾ അതിർത്തിയിലെ സാഹചര്യം വഷളാക്കുമെന്നും ഇമ്രാൻ ആരോപിക്കുന്നു.

ഹിന്ദു ദേശീയത ഉണർത്താൻ ഇന്ത്യ തങ്ങളെ ആക്രമിച്ചേക്കാമെന്നും ഇമ്രാൻ ഖാൻ ആരോപിക്കുന്നു. എന്നാൽ ഇമ്രാന്റെ ആരോപണങ്ങളെ ഇന്ത്യൻ സൈന്യം തള്ളിക്കളഞ്ഞിട്ടുണ്ട്. ജനശ്രദ്ധ തിരിക്കാൻ വേണ്ടി ഇന്ത്യ പാകിസ്ഥാനെ ആക്രമിക്കാൻ തയ്യറെടുക്കുന്നുവെന്ന വാർത്ത അടിസ്ഥാന രഹിതമാണെന്ന് ഇന്ത്യൻ സൈന്യം വ്യക്തമാക്കുന്നു.

Over the last 5 years of Modi's govt, India has been moving towards Hindu Rashtra with its Hindutva Supremacist fascist ideology. Now with the Citizens Amendment Act, all those Indians who want a pluralist India are beginning to protest & it is becoming a mass movement.

— Imran Khan (@ImranKhanPTI) December 21, 2019