കേരളത്തില് എന്പിആറുമായി ബന്ധപ്പെട്ട നടപടികള് നിര്ത്തിവെച്ചുവെന്നും, എന്പിആര് നടപ്പാക്കില്ലെന്നും മുഖ്യമന്ത്രി പിണറായി വിജയന് പ്രസ്താവന ഇറക്കിയിരുന്നു. എന്നാല് എന്പിആര് നടപടികളുമായി കേരള സര്ക്കാര് മുന്നോട്ട് പോകുന്നുവെന്ന് വ്യക്തമാകുന്ന രേഖകള് പുറത്ത് വന്നു. സ്കൂള് അധ്യാപകരോട് എന്.പി.ആര് നടപടികളില് പങ്കെടുക്കാന് ആവശ്യപ്പെട്ട് അധികൃതര് നല്കിയ ഉത്തരവാണ് പുറത്ത് വന്നത്.
ജനുവരി 13ന് താമരശ്ശേരി തഹസില്ദാര് പുറത്തിറക്കിയ സര്ക്കുലറില് ഏപ്രില് 15ന് ആരംഭിക്കുന്ന ജനസംഖ്യാ കണക്കെടുപ്പിന് വേണ്ടി അധ്യാപകരുടെ പേര് നിര്ദ്ദേശിക്കാന് സ്ക്കൂള് പ്രിന്സിപ്പാള് മാര്ക്കും, പ്രധാന അധ്യാപകര്ക്കും നിര്ദ്ദേശം നല്കുന്നു. സൂപ്പര് വൈസര്മാരെയും, എന്യുമറേറ്റര്മാരെയും നിയമിക്കാനുള്ള അധ്യാപകരുടെ പേര് നല്കാനാണ് ഉത്തരവ്. ഏപ്രില് 15 മുതല് മെയ് 29 വരെയാണ് എന്പിആര് പരിഷ്ക്കരണത്തിന്റെ ഭാഗമായുള്ള സെന്സസ് നടക്കുകയെന്നും ഉത്തരവിലുണ്ട്. ജനുവരി 22ന് മുമ്പായി ഓഫിസില് അധ്യാപകരുടെസ പേര് വിവരങ്ങള് നല്കാനും തഹസീല്ദാര് പുറപ്പെടുവിച്ച ഉത്തരവില് വ്യക്തമാക്കുന്നു.
നേരത്തെ എന്പിആര് നടപടികള് നിര്ത്തിവെക്കണമെന്ന മുഖ്യമന്ത്രി പിണറായി വിജയന്റെ നിര്ദ്ദേശം വിവാദമായിരുന്നു. കേന്ദ്രസര്ക്കാര് നടപ്പാക്കുന്ന എന്പിആറില് നിന്ന് കേരളത്തിന് എങ്ങനെ
മാറി നില്ക്കാനാവുമെന്നായിരുന്നു ഉയര്ന്ന ചോദ്യം. വോട്ട് ബാങ്ക് സംരക്ഷണത്തിന് വേണ്ടിയാണ് മുഖ്യമന്ത്രി ഇത്തരമൊരു പ്രസ്താവന നടത്തിയതെന്നും പരിഹാസം ഉയര്ന്നിരുന്നു.
Discussion about this post