തിരുവനന്തപുരം: മാധ്യമപ്രവര്ത്തക യൂണിയന് പ്രസ്താവനയ്ക്കെതിരെ പ്രതികരണവുമായി മുന് ഡിജിപി ടി.പി. സെന്കുമാര്. ഫേസ്ബുക്ക് കുറിപ്പിലൂടെയാണ് സെന്കുമാര് ഇതിന് മറുപടി നല്കിയിട്ടുള്ളത്. സംസ്ഥാനത്തെ വിവിധ പ്രസ് ക്ലബ്ബുകള്ക്ക് സര്ക്കാര് അനുവദിച്ച ധനസഹായം വേണ്ടവണ്ണം ഉപയോഗിക്കുന്നില്ലെന്ന പരാതി സംബന്ധിച്ച് അടിയന്തരനടപടി ആവശ്യപ്പെട്ടുകൊണ്ടുള്ള വിജിലന്സിന്റെ ഫയല് നോട്ടും സെന്കുമാര് തന്റെ കുറിപ്പില് ഉള്പ്പെടുത്തിയിയിട്ടുണ്ട്.
സെന്കുമാറിന്റെ പ്രതികരണം ഇങ്ങനെ, എന്താണ് നടന്നതെന്നതിന്റെ വീഡിയോ ഉണ്ടെന്നും ചോദ്യം ചോദിച്ച വ്യക്തിക്ക് അതിനുള്ള ഉത്തരം താന് നല്കിയിട്ടുണ്ടെന്നുമായിരുന്നു സെന്കുമാര് മറുപടി നല്കിയത്. കെ.യു.ഡബ്ള്യു.ജെ ആരുടെ കുത്തകയാണെന്ന് അറിയാമെന്നും അതുകൊണ്ട് ഉടുക്കുകൊട്ടി പേടിപ്പിക്കേണ്ടെന്നും സെന്കുമാര് തന്റെ കുറിപ്പില് പറയുന്നു.
വാര്ത്താസമ്മളനത്തിനിടെ പത്രപ്രവര്ത്തകനോട് മോശമായി പെരുമാറിയെന്നാരോപിച്ച് മാധ്യമപ്രവര്ത്തക യൂണിയന് നടത്തിയ പ്രസ്താവനയ്ക്കെതിരെയാണ് ടി പി സെൻകുമാർ രംഗത്തെത്തിയത്.
‘പണ്ടിരുന്ന കസേരയുടെ ഹുങ്കില് എക്കാലവും ലോകത്തെ വിറപ്പിച്ചു നിര്ത്താമെന്നു കരുതുന്നവര് സ്വപ്നലോകത്തുനിന്നും താഴേക്കിറങ്ങിവരേണ്ട കാലം അതിക്രമിച്ചിരിക്കുന്നു’ എന്നും അപമര്യാദയായി പെരുമാറിയ സെന്കുമാറിനെതിരെ പൊലീസ് കേസെടുക്കണമെന്നും പത്രപ്രവര്ത്തക യൂണിയന് പുറത്തിറക്കിയ പ്രസ്താവനയിലൂടെ ആവശ്യപ്പെട്ടിരുന്നു. ഇതിനെതിരെയാണ് അദ്ദേഹം രംഗത്തെത്തിയത്.
എന്താണ് നടന്നതെന്ന് വീഡിയോ ഉണ്ട്.
ചോദിച്ച വ്യക്തിക്ക് ഉത്തരവും നൽകി.
KUWJ ആരുടെ കുത്തകയും ചട്ടുകവും ആണെന്നും അറിയാം.
അതുകൊണ്ടു ഉടുക്കുകൊട്ടി പേടിപ്പിക്കരുത്…..
https://www.facebook.com/drtpsenkumarofficial/posts/457189708491435
Discussion about this post