ഇറാൻ നേതാവായ ആയത്തുള്ള ഖമനായിയ്ക്ക് താക്കീതു നൽകി അമേരിക്കൻ പ്രസിഡന്റ് ഡൊണാൾഡ് ട്രംപ്.അമേരിക്കൻ പ്രസിഡന്റ് ഡൊണാൾഡ് ട്രംപ് ഇറാനിലെ പരമോന്നത നേതാവിന് വാക്കുകൾ സൂക്ഷിച്ചുപയോഗിക്കണമെന്നാണ് മുന്നറിയിപ്പ് നൽകിയത്.
ഖുഡ്സ് ഫോഴ്സ് കമാൻഡർ ഖാസിം സുലൈമാനിയുടെ കൊലപാതകത്തിന് പ്രതികാരമായി ഇറാന് “അഹങ്കാരികളും അക്രമികളുമായ ഒരു ആഗോള ശക്തിയെ അടിക്കാനുള്ള ശക്തിയുണ്ടെന്ന്” വെള്ളിയാഴ്ച ടെഹ്റാനിൽ ഒരു പ്രാർത്ഥനയ്ക്ക് നേതൃത്വം നൽകവേ ആയത്തുള്ള ഖമനായി പ്രസ്താവിച്ചിരുന്നു. യോഗത്തിൽ,അമേരിക്കൻ നേതാക്കളെ “കോമാളികൾ” എന്നും ആയത്തുള്ള ഖമനായി ആക്ഷേപിച്ചിരുന്നു.വാഷിംഗ്ടണിന്റെ അഭിമാനത്തിനേറ്റ പ്രഹരമാണ് യു.എസ് പ്രസിഡന്റിന്റെ പ്രതികരണത്തിന് പിന്നിലെന്നാണ് വെളിവാകുന്നത്.
“ഇറാനിലെ‘ സുപ്രീം നേതാവ് ’എന്ന് വിളിക്കപ്പെടുന്ന ഈയിടെ അമേരിക്കയെക്കുറിച്ചും യൂറോപ്പിനെക്കുറിച്ചും ചില മോശം കാര്യങ്ങൾ പറയുകയുണ്ടായി.അവരുടെ സമ്പദ്വ്യവസ്ഥ തകർന്നുകൊണ്ടിരിക്കുകയാണ്, അവരുടെ പൗരന്മാർ ഒരുപാട് ദുരനുഭവങ്ങളാൽ കഷ്ടപ്പെടുന്നു.ഇതെല്ലം പരിഗണിച്ച് ഇറാൻ അവരുടെ വാക്കുകൾ പ്രയോഗിക്കുമ്പോൾ വളരെ ശ്രദ്ധാലുവായിരിക്കണം! ” എന്നാണ് ട്രംപ് ട്വിറ്ററിൽ ട്വീറ്റ് ചെയ്തത്.
Discussion about this post