കോവിഡ്-19 എന്ന കൊറോണ വൈറസ് : ഇതുവരെ അപഹരിച്ചത് 2,800 ജീവൻ, ആഗോള രോഗബാധിതരുടെ എണ്ണം 82,000

ചൈനയിലെ വുഹാൻ പ്രവിശ്യയിൽ പൊട്ടിപ്പുറപ്പെട്ട കൊറോണ വൈറസ് ബാധയിൽ ഇതുവരെ ലോകത്ത് ജീവൻ നഷ്ടമായത് 2,800 പേർക്ക്. ആഗോള ആരോഗ്യ അടിയന്തരാവസ്ഥ പ്രഖ്യാപിക്കപ്പെട്ട മഹാരോഗത്തിൽ ബാധിക്കപ്പെട്ടത് 82, 000 പേർ.

ചൈനയിലാണ് മഹാഭൂരിപക്ഷം മരണങ്ങളും നടന്നിരിക്കുന്നത്.2800-ൽ, 2744 മരണങ്ങളും ചൈനയിലെ ഹ്യൂബെ പ്രവിശ്യ കേന്ദ്രീകരിച്ചാണ്. ഹോങ്കോങ്ങിലും ഫ്രാൻസിലും 2 വീതം മരണവും,തായ്‌വാനിലും ഫിലിപ്പൈൻസിലും ഒന്നും, ദക്ഷിണകൊറിയയിൽ 13 മരണവും, ജപ്പാനിലും ഇറ്റലിയിലും യഥാക്രമം എട്ടും പന്ത്രണ്ടും, ചൈനയ്ക്കു ശേഷം ഏറ്റവുമധികം ജീവൻ നഷ്ടപ്പെട്ട ഇറാനിൽ ഇരുപത്തിയാറു മരണവുമാണ് റിപ്പോർട്ട് ചെയ്തിരിക്കുന്നത്.