തിരുവനന്തപുരം: തീര്ത്ഥപാദ മണ്ഡപത്തിനോടനുബന്ധിച്ചുളള 65 സെന്റ് സ്ഥലം പിടിച്ചെടുത്ത സര്ക്കാര് നടപടിക്കെതിരെ വിമര്ശനവുമായി ബിജെപി നേതാവ് കുമ്മനം രാജശേഖരന്. കയ്യൂക്കിന്റെ ബലത്തില് ഒരു തീര്ത്ഥാടന കേന്ദ്രം ഏറ്റെടുക്കുകയാണ് സര്ക്കാര് ചെയ്തതെന്ന് കുമ്മനം രാജശേഖരന് പറഞ്ഞു. മത സ്വാതന്ത്ര്യത്തിന് നേരെയുള്ള കടന്നുകയറ്റമായാണ് ഇതിനെ ബിജെപി കാണുന്നതെന്നും അദ്ദേഹം വ്യക്തമാക്കി. വിദ്യാദി രാജ ട്രസ്റ്റിന് കീഴിലുളള തീര്ത്ഥപാദ മണ്ഡപത്തിനോടനുബന്ധിച്ചുളള സ്തലം കഴിഞ്ഞ ദിവസമാണ് സർക്കാർ പിടിച്ചെടുത്തത്.
ചട്ടമ്പിസ്വാമികളുടെ സ്മാരകം ഉയരേണ്ട ഇടമാണിത്. ചട്ടമ്പിസ്വാമിയുടെ ഈ ക്ഷേത്രത്തില് ആരാധന നടത്തുക എന്നത് ജന്മാവകാശമാണ്. ഏറെക്കാലമായി അത് നിര്വഹിച്ചു വരികയാണ്. രണ്ട് പട്ടിക കഷണങ്ങള് ഉപയോഗിച്ച് സര്ക്കാര് അത് അടച്ചു പുട്ടുന്നത് ശരിയല്ലെന്നും തീര്ത്ഥപാദ മണ്ഡപം സന്ദര്ശിച്ച കുമ്മനം രാജശേഖരന് ചൂണ്ടിക്കാട്ടി.
ഇന്നലെ ശിവഗിരി മഠം, ഇന്ന് തീര്ത്ഥപാദ മണ്ഡപം, നാളെ പദ്മനാഭസ്വാമി ക്ഷേത്രം എന്ന നിലക്കാണ് സര്ക്കാര് നീക്കമെന്ന് സംശയമുണ്ടെന്നും പദ്മനാഭ സ്വാമിക്ഷേത്രം ഏറ്റെടുക്കുന്നതിന് മുന്നോടിയായുള്ള ആദ്യ പടിയാണിതെന്നും കുമ്മനം രാജശേഖരന് വ്യക്തമാക്കി.
Discussion about this post