തിരുവനന്തപുരം: കേന്ദ്രസംസ്ഥാന സര്ക്കാരുകളുടെ അഴിമതിക്കും ജനവിരുദ്ധ നയങ്ങള്ക്കുമെതിരെ മഞ്ചേശ്വരം മുതല് രാജ്ഭവന് വരെ സിപിഐഎമ്മിന്റെ ജനകീയ പ്രതിരോധത്തില് ജനലക്ഷങ്ങള് അണിനിരന്നു. സിപിഐ എം ജനറല്സെക്രട്ടറി സീതാറാം യെച്ചൂരി തിരുവനന്തപുരത്ത് ജനകീയപ്രതിരോധം ഉദ്ഘാടനം ചെയ്തു. 4.50ന് എല്ലാവരും എഴുന്നേറ്റുനിന്ന് കൈകോര്ത്ത് പ്രതിജ്ഞയെടുത്തു. അഞ്ചിന് പ്രതിരോധം അവസാനിച്ചു.
മഞ്ചേശ്വരം താലൂക്ക് ഓഫീസുമുതല് തിരുവനന്തപുരം രാജ്ഭവന്വരെയുള്ള ആയിരം കിലോമീറ്ററില് ജനലക്ഷങ്ങള് കണ്ണികളായി. മഞ്ചേശ്വരത്ത് പൊളിറ്റ് ബ്യൂറോ അംഗം എസ് രാമചന്ദ്രന്പിള്ള ആദ്യ കണ്ണിയായി. തിരുവനന്തപുരത്ത് സിപിഐ എം ജനറല്സെക്രട്ടറി സീതാറാം യെച്ചൂരി അണിചേര്ന്നു. പൊളിറ്റ് ബ്യൂറോ അംഗം പിണറായി വിജയന്, സംസ്ഥാന സെക്രട്ടറി കോടിയേരി ബാലകൃഷ്ണന് എന്നിവരും രാജ്ഭഭവന് മുന്നില് ജനകീയപ്രതിരോധത്തില് അണിചേര്ന്നു.
ദേശീയ പാതയ്ക്ക്പുറമെ എംസി റോഡില് അങ്കമാലി മുതല് കേശവദാസപുരംവരെ 241 കിലോമീറ്ററും, വയനാട് ജില്ലയില് 29 കേന്ദ്രങ്ങളിലായി 52 കിലോമീറ്ററും, പാലക്കാട് ടൗണ്മുതല് ഷൊര്ണ്ണൂര് കൊളപ്പുള്ളിവരെ 72 കിലോമീറ്ററും, ഇടുക്കിയില് 75 കിലോമീറ്ററും മനുഷ്യച്ചങ്ങല തീര്ത്തു. ആഗസ്ത് ഒന്നുമുതല് 14 വരെ അഖിലേന്ത്യാതലത്തില് സിപിഐ എം നടത്തുന്ന പ്രക്ഷോഭത്തിന്റെ ഭാഗമായാണ് സംസ്ഥാനത്ത് പാതയോരത്ത് ധര്ണ നടത്തുന്നത്. ഭക്ഷ്യസുരക്ഷ, തൊഴിലുറപ്പു പദ്ധതി പരിമിതപ്പെടുത്തല്, കോര്പറേറ്റ് വല്ക്കരണം, അഴിമതി എന്നിവയാണ് കേന്ദ്രതലത്തില് ഉയര്ത്തുന്ന മുദ്രാവാക്യങ്ങള്.
Discussion about this post