വയനാട്: വയനാട്ടില് ഒരാള്ക്കുകൂടി കുരങ്ങുപനി സ്ഥിരീകരിച്ചു. ഇതോടെ ചികിത്സയില് ഉള്ളവരുടെ എണ്ണം നാലായി. ഞായറാഴ്ച കുരങ്ങുപനി ബാധിച്ച് വയനാട്ടില് മദ്ധ്യവയസ്ക മരിച്ചിരുന്നു.
ഇതിനെതിരെ ആരോഗ്യവകുപ്പ് അധികൃതര് അതീവ ജാഗ്രതാ നിര്ദേശമാണ് നല്കുന്നത്. ഈ വര്ഷം സംസ്ഥാനത്ത് രോഗം സ്ഥിരീകരിച്ചത് 13 പേര്ക്കാണ്. കാടുമായി ബന്ധപ്പെട്ട് പ്രവര്ത്തിക്കുന്നവരും കാടതിര്ത്തിയില് താമസിക്കുന്നവരും കര്ശന ജാഗ്രത പാലിക്കണമെന്നാണ്
സംസ്ഥാന സർക്കാർ നൽകുന്ന മുന്നറിയിപ്പ്.
2014 – 15 വര്ഷം 11 പേരാണ് വയനാട്ടില് മാത്രം രോഗം ബാധിച്ച് മരിച്ചത്. ഹീമോഫൈസാലിസ് വിഭാഗത്തില്പെട്ട ചെള്ളുപ്രാണിയാണ് കുരങ്ങുപനി ഉണ്ടാക്കുന്നത്. പ്രധാനമായും കുരങ്ങന്റെ ശരീരത്തില് ജീവിക്കുന്ന ഈ പ്രാണി കുരങ്ങന് ചാകുന്നതോടെ മൃഗങ്ങളിലേക്കും മനുഷ്യരിലേക്കും രോഗം പടര്ത്തുകയാണ് ചെയ്യുന്നത്.
Discussion about this post