‘കൊവിഡ് കാലത്ത് തിരിഞ്ഞു നോക്കുന്നില്ല’; കമൽനാഥിനെയും മകനെയും കണ്ടു കിട്ടുന്നവർക്ക് പാരിതോഷികം പ്രഖ്യാപിച്ച് മദ്ധ്യപ്രദേശിലെ ജനങ്ങൾ

ഛിന്ദ്വാര: കൊവിഡ് വ്യാപനത്തിന്റെ പശ്ചാത്തലത്തിലെ രാജ്യവ്യാപക ലോക്ക് ഡൗൺ തുടരുമ്പോഴും സ്വന്തം മണ്ഡലങ്ങളിലെ ജനങ്ങളെ മുൻ മദ്ധ്യപ്രദേശ് മുഖ്യമന്ത്രി കമൽനാഥും മകൻ നകുൽ നാഥും തിരിഞ്ഞു നോക്കുന്നില്ലെന്ന് പരാതി. പ്രതിഷേധ സൂചകമായി ഇരുവരെയും കാണാനില്ലെന്ന് കാട്ടി പോസ്റ്റർ പതിച്ചിരിക്കുകയാണ് നട്ടുകാർ.

ഛിന്ദ്വാര നിയോജക മണ്ഡലത്തിലെ എം എൽ എയാണ് കമൽനാഥ്. മകൻ നകുൽ നാഥ് ഛിന്ദ്വാര ലോക്സഭാ മണ്ഡലത്തിലെ എം പിയാണ്. നാട് രൂക്ഷമായ പ്രതിസന്ധിയിലൂടെ കടന്നു പോകുമ്പോൾ ജനങ്ങൾ എം എൽ എയെയും എം പിയെയും തിരയുകയാണ്. ഇവരെ ഛിന്ദ്വാരയിൽ എത്താൻ സഹായിക്കുന്നവർക്ക് 21,000 രൂപ പാരിതോഷികം നൽകുമെന്നും പോസ്റ്ററിൽ പറയുന്നു.

ഛിന്ദ്വാരയ്ക്ക് പുറമെ മദ്ധ്യപ്രദേശിലാകെ പ്രചരിക്കുന്ന പോസ്റ്ററുകളിൽ ഇത് ആരാണ് തയ്യാറാക്കിയതെന്നോ എവിടെയാണ് അച്ചടിച്ചതെന്നോ വിവരമില്ല.