ബിബിസിയ്ക്ക് നല്കിയ അഭിമുഖത്തില് പറ്റിയ ഗോവയെ സംബന്ധിച്ച തെറ്റ് തിരുത്തി ആരോഗ്യമന്ത്രിയിട്ട ഫേസ്ബുക്ക് കുറിപ്പില് വീണ്ടും അബദ്ധം. 216 ലധികം ലോകരാഷ്ട്രങ്ങള് ഉണ്ട് എന്ന തെറ്റായ പരാമര്ശമാണ് കുറിപ്പില് ഉള്ളത്. പലരും തെറ്റ് ചൂണ്ടിക്കാട്ടിയെങ്കിലും ഇതുവരെയും തിരുത്തല് വരുത്തിയിട്ടില്ല. കേരളം ഉള്പ്പടെ സ്വതന്ത്രരാജ്യമെന്ന് കരുതിയിട്ടാവുമോ ശൈലജ ടീച്ചറുടെ പോസ്റ്റ് എന്നാണ് ചിലരുടെ പരിഹാസം.
ബിബിസി ചാനലിലെ പ്രതികരണത്തില് ഗോവയെ കേന്ദ്ര ഭരണ പ്രദേശമാക്കുകയും, ഗോവയില് നിന്നുള്ള കോവിഡ് രോഗി കേരളത്തില് മരിച്ചുവെന്ന തെറ്റായ വിവരം പങ്കുവെക്കുകയും ചെയ്ത ആരോഗ്യമന്ത്രിക്കെതിരെ പ്രതിഷേധം ഉയര്ന്നിരുന്നു. ഇതേ തുടര്ന്നാണ് തന്റെ പരാമര്ശം തെറ്റായി എന്ന കുറിപ്പുമായി ശൈലജ ടീച്ചര് രംഗത്തെത്തിയത്.
യുഎന് കണക്ക് പ്രകാരം 206 അംഗങ്ങളാണ് ഉള്ളത്. യുഎന് അംഗത്വമോ നിരീക്ഷകപദവിയോ ഉള്ള 193 രാജ്യങ്ങളും,മറ്റ് 12 രാജ്യങ്ങളും. പരമാധികാരത്തെപ്പറ്റി തര്ക്കം നിലവിലുള്ള 16 രാജ്യങ്ങളും 190 മറ്റ് രാജ്യങ്ങളും എന്നിങ്ങനെയും യു.എന് വേര്തിരിച്ചിട്ടുണ്ട്.
”216 ലധികം ലോക രാഷ്ട്രങ്ങളില് കോവിഡ് ബാധിച്ച ഈ സമയത്താണ് കൊച്ച് കേരളത്തെ ലോകത്തിലെ തന്നെ പ്രമുഖ മാധ്യമം ഏറ്റെടുത്തത്. കേരളത്തില് 3 മരണമാണ് ഉണ്ടായതെന്നും നാലാമത്തെ മരണം ചികിത്സാ സൗകര്യമില്ലാത്തതിനാല് ചികിത്സ തേടി കേരളത്തിലെത്തിയ കേന്ദ്രഭരണ പ്രദേശമായ പുതുച്ചേരിയുടെ ഭാഗമായ മാഹി സ്വദേശിയുടേതായിരുന്നു എന്നുമാണ് പറയാന് ഉദ്ദേശിച്ചത്. എന്നാല് ഞാന് പറഞ്ഞു വന്നപ്പോള് ഗോവ എന്നായിപ്പോയി. തെറ്റായ പരാമര്ശം ഞാന് തിരുത്തുകയാണ്.”-എന്നാണ് ആരോഗ്യമന്ത്രിയുടെ ഫേസ്ബുക്ക് കുറിപ്പ്.
ഗോവയെ അന്തരാഷ്ട്രതലത്തില് ഇടിച്ചു താഴ്ത്തുന്നതാണ് സിപിഎം നേതാവായ മന്ത്രിയുടെ പ്രസ്താവന എന്ന വിമര്ശനം ഉയര്ന്നിരുന്നു. പരാമര്ശത്തിനെ0തിരെ ഗോവ മുഖ്യമന്ത്രിയും ആരോഗ്യമന്ത്രിയും രംഗത്തെത്തിയിരുന്നു
