ന്യൂഡൽഹി : രാജ്യത്തെ കോവിഡ് വ്യാപനം എത്രത്തോളം നിയന്ത്രണ വിധേയമായെന്ന് അറിയാൻ പ്രധാനമന്ത്രി നരേന്ദ്ര മോദി മറ്റു മന്ത്രിമാരുമായി കൂടികാഴ്ച നടത്തി.യോഗത്തിൽ, കേന്ദ്ര ആഭ്യന്തരമന്ത്രി അമിത് ഷാ,ആരോഗ്യ മന്ത്രി ഡോ.ഹർഷ വർധൻ, പ്രധാനമന്ത്രിയുടെ പ്രിൻസിപ്പൽ സെക്രട്ടറി, ക്യാബിനറ്റ് സെക്രട്ടറി, ഹെൽത്ത് സെക്രട്ടറി, ഡിജി- ഐസിഎംആർ എന്നിവർ പങ്കെടുത്തു.
മൂന്നിൽ രണ്ടു ഭാഗം കൊറോണ കേസുകളും രാജ്യത്തെ ഏറ്റവും തിരക്കേറിയ 5 സംസ്ഥാനങ്ങളിലാണെന്ന് യോഗത്തിൽ കണ്ടെത്തി. യോഗത്തിൽ കോവിഡ് മരണത്തിന്റെ നിരക്ക് കുറയ്ക്കുന്നതിനായി വിദഗ്ദ്ധ സമിതിയെ നിയോഗിക്കാനുള്ള തീരുമാനം എടുത്തു. അതേസമയം, ഇന്ന് ഡൽഹിയിൽ 2,137 പുതിയ കോവിഡ് -19 കേസുകളാണ് റിപ്പോർട്ട് ചെയ്തത്. ഡൽഹിയിൽ ആദ്യമായാണ് ഒരു ദിവസം ഇത്രയുമധികം പോസിറ്റീവ് കേസുകൾ റിപ്പോർട്ട് ചെയ്യുന്നത്.
Discussion about this post