കൊച്ചി : ലോക്ക്ഡൗണിനു ശേഷം അമിത കറന്റ് ബിൽ ഈടാക്കിയെന്ന് സൂചിപ്പിച്ചുകൊണ്ട് മൂവാറ്റുപുഴ സ്വദേശി സമർപ്പിച്ച ഹർജിയിൽ കെഎസ്ഇബി യോട് വിശദീകരണം തേടി ഹൈക്കോടതി.ലോക്ക്ഡൗണിനു ശേഷം ഉപഭോക്താക്കൾക്കു നൽകിയ ബില്ലിൽ അശാസ്ത്രീയതയുണ്ടെന്ന് ചൂണ്ടിക്കാട്ടിയാണ് ഹർജി നൽകിയിരിക്കുന്നത്.മൂവാറ്റുപുഴ സ്വദേശി സമർപ്പിച്ച ഈ ഹർജി മറ്റന്നാൾ പരിഗണിക്കും.
ലോക്ക്ഡൗണിനു ശേഷം നൽകിയ കറന്റ് ബില്ലിൽ അമിത ചാർജ് ഇടാക്കിയിട്ടുണ്ടെന്ന് ആരോപിച്ച് ഒരുപാട് പേർ രംഗത്തു വന്നിരുന്നു.എന്നാൽ, ഉപഭോക്താക്കളിൽ നിന്നും കൂടുതൽ ചാർജ് ഈടാക്കിയിട്ടില്ലെന്നും ലോക്ക്ഡൗൺ കാലത്തെ വൈദ്യുതി ഉപയോഗം കൂടിയത് കൊണ്ടാണ് ബില്ലിൽ വർദ്ധനവുണ്ടായതെന്നുമാണ് കെഎസ്ഇബി ചെയർമാൻ എൻ എസ് പിള്ള അറിയിച്ചത്.
Discussion about this post