ലക്നൗ : എഫ്ഐആറുകൾ ഓൺലൈൻ ആയി രജിസ്റ്റർ ചെയ്യുന്നതിന് ‘യു.പി കോപ്പ് ‘ ആപ്പ് പുറത്തിറക്കി ഉത്തർപ്രദേശ് പോലീസ്.ഇനി മുതൽ ഈ ആപ്പിലൂടെ മോഷണമടക്കമുള്ള കുറ്റങ്ങളുടെ എഫ്ഐആർ രജിസ്റ്റർ ചെയ്യാനും വായിക്കാനും സാധിക്കും.
എംപ്ലോയീ വെരിഫിക്കേഷൻ, സർട്ടിഫിക്കറ്റ് വെരിഫിക്കേഷൻ,ധർണകൾക്കും സിനിമാ ഷൂട്ടിങുകൾക്കും അനുവാദം നൽകൽ, എന്നിവയും ഇനിയീ ആപ്പ് വഴി സാധ്യമാകും. ഇവയെല്ലാം ഉൾപ്പെടെ ആകെ 27 സേവനങ്ങൾ ഈ ആപ്പ് വഴി ലഭ്യമാക്കുമെന്ന് യുപി പോലീസിന്റെ അഡീഷ്ണൽ ഡയറക്ടർ ജനറലായ അശുതോഷ് പാണ്ഡെ അറിയിച്ചു.പോസ്റ്റ്മോർട്ടം റിപ്പോർട്ടുകളും മോഷ്ടിച്ച വാഹനങ്ങളെ കുറിച്ചുള്ള റിപ്പോർട്ടും കാണാതായ ആളുകളെ കുറിച്ചുള്ള റിപ്പോർട്ടും ഈ ആപ്പിലൂടെ ഇനി മുതൽ വായിക്കാനാകും.ഗൂഗിൾ പ്ലേസ്റ്റോറിൽ നിന്നും ‘യുപി കോപ്പ് ‘ആപ്പ് ഡൗൺലോഡ് ചെയ്യാൻ സാധിക്കും.
Discussion about this post