ടോക്കിയോ : ചൈനീസ് പ്രസിഡന്റ് ഷി ജിൻപിങ് സന്ദർശനം ജപ്പാൻ പ്രധാനമന്ത്രി ഷിൻസോ ആബെ റദ്ദാക്കിയേക്കും.ജപ്പാനിൽ ചൈന വിരുദ്ധ വികാരം ആളിപ്പടരുന്ന കാരണമാണ് ഈ തീരുമാനം. പ്രധാനമന്ത്രിയുടെ സ്വന്തം പാർട്ടിയായ ലിബറൽ ഡെമോക്രാറ്റിക് പാർട്ടിയിൽ തന്നെ കനത്ത പ്രതിഷേധമാണ് ഷീ ജിൻപിങ്ങിന്റെ സന്ദർശനത്തിനെതിരെ ഉയരുന്നത്.
കോവിഡിനെ മറയാക്കി ഹോങ്കോങ്ങിലെ പ്രതിഷേധങ്ങൾ ചൈന അടിച്ചമർത്തുകയാണ്. ഹോങ്കോങ്ങിൽ ചൈന പുതിയതായി നടപ്പിൽ വരുത്തുന്ന ദേശീയ സുരക്ഷാ നിയമം അവിടെയുള്ള ജാപ്പാനീസ് പൗരന്മാരുടെയും കമ്പനികളുടെയും അവകാശങ്ങളെ ബാധിക്കും.ഇതുകൂടാതെ കോവിഡിന്റെ അനന്തരഫലങ്ങളും ജപ്പാനുള്ളിൽ കനത്ത ചൈനാ വിരുദ്ധവികാരം സൃഷ്ടിച്ചിട്ടുണ്ട്.ഈ സാഹചര്യത്തിലാണ് ഷീ ജിൻ പിങ്ങിന്റെ സന്ദർശനാനുമതി പുന:പരിശോധിക്കുന്ന കാര്യം ഷിൻസോ ആബെ പരിഗണിക്കുന്നത്.
Discussion about this post