മലപ്പുറം: പത്ത് ലക്ഷം രൂപയുടെ കള്ളനോട്ടുമായി യുവാക്കൾ പിടിയിൽ. പാണ്ടിക്കാട് സ്വദേശി അമീർ ഖാൻ, കരുവാരക്കുണ്ട് സ്വദേശി മൊയ്തീൻകുട്ടി, തുവ്വൂർ സ്വദേശി ബഷീർ എന്നിവരാണ് കൊണ്ടോട്ടിയിൽ പിടിയിലായത്.
പ്രതികളെക്കുറിച്ച് ലഭിച്ച രഹസ്യവിവരത്തിന്റെ അടിസ്ഥാനത്തിൽ വാഹനപരിശോധന ശക്തമാക്കിയ പോലീസ് ഇവർ സഞ്ചരിച്ച കാർ പരിശോധിച്ച് പ്രതികളെ തെളിവ് സഹിതം പിടികൂടുകയായിരുന്നു.
ഹാജിയാർ എന്ന പേരിൽ അറിയപ്പെടുന്ന അമീർ ഖാനാണ് സംഘത്തിലെ പ്രധാനിയെന്ന് ചോദ്യം ചെയ്യലിൽ വ്യക്തമായി. സംഘത്തിന്റെ കാറും നോട്ടടി യന്ത്രവും പോലീസ് പിടിച്ചെടുത്തു. 500, 2000 രൂപകളുടെ കള്ളനോട്ടുകളാണ് ഇവരുടെ കൈവശമുണ്ടായിരുന്നത്. സംസ്ഥാനത്തിന്റെ വിവിധ ഭാഗങ്ങളിൽ ഇവർ കള്ളനോട്ട് വിതരണം ചെയ്തതായും പൊലീസിന് വിവരം ലഭിച്ചു. സംഭവത്തിൽ ചോദ്യം ചെയ്യൽ പുരോഗമിക്കുകയാണ്.
Discussion about this post