കാബൂള്: കുടുംബത്തെ ആക്രമിക്കാന് വന്ന താലിബാന് ഭീകരരെ വെടിവച്ചിട്ട് അഫ്ഗാന് പെണ്കുട്ടി. തോക്കുമായിരിക്കുന്ന പെണ്കുട്ടിയുടെ ചിത്രങ്ങള് ഇപ്പോള് സോഷ്യമീഡിയയില് തരംഗമായിരിക്കുകയാണ്.
അഫ്ഗാനിസ്ഥാനിലെ ഘോര് പ്രവിശ്യയിലാണ് സംഭവം. തന്റെ പിതാവ് സര്ക്കാന് അനുകൂലിയാണെന്നതിന്റെ പേരിലാണ് ഭീകരര് വീടുതേടിയെത്തിയതെന്ന് പെൺകുട്ടി പറഞ്ഞു. ആക്രമിക്കാനെത്തിയ ഭീകരരെ എകെ47 തോക്ക് ഉപയോഗിച്ചാണ് പെണ്കുട്ടി വെടിവച്ചിട്ടത്.
പിന്നീട് വീണ്ടും താലിബാന് ഭീകരർ എത്തിയെങ്കിലും നാട്ടുകാരും സര്ക്കാര് അധികൃതരും ചേര്ന്ന് കുടുംബത്തിന് സംരക്ഷണമൊരുങ്ങി.
അഫ്ഗാനിസ്ഥാനിലെ ഏറ്റവും അവികസിത പടിഞ്ഞാറാന് പ്രവിശ്യയായ ഘോറിൽ താലിബാന് ഇപ്പോഴും ശക്തമായ സാന്നിധ്യം ഉണ്ട്. ഈ പ്രദേശത്ത് സ്ത്രീകള്ക്കെതിരായ കുറ്റകൃത്യങ്ങള് അധികമായി നടക്കുന്നതായിട്ടാണ് റിപ്പോർട്ടുകൾ പറയുന്നത്.
കഴിഞ്ഞ ഫെബ്രുവരിയില് താലിബാനും അമേരിക്കയും തമ്മില് സമാധാന കരാറില് എത്തിയിരുന്നെങ്കിലും ഇപ്പോഴും താലിബാന്റെ പ്രദേശിക പ്രവര്ത്തകര് സര്ക്കാറുമായി യോജിപ്പില് എത്തിയിട്ടില്ലെന്നാണ് ബിബിസി റിപ്പോര്ട്ടിൽ പറയുന്നത്.
Discussion about this post