ബാൽട്ടിമോർ : അമേരിക്കയിലെ ബാൽട്ടിമോർ നൈബർഹുഡിലെ ചില വീടുകളിൽ ഇന്നലെയുണ്ടായ സ്ഫോടനത്തിൽ ഒരാൾ മരിച്ചു.അഞ്ചോളം ആളുകൾക്ക് സ്ഫോടനത്തിൽ പരിക്കേറ്റിട്ടുണ്ട്.ഇതിൽ കുട്ടികളും ഉൾപ്പെടുന്നു.ഗ്യാസ് പൊട്ടിത്തെറിച്ചുണ്ടായ സ്ഫോടനമാണെന്നാണ് ബാൽട്ടിമോർ മാധ്യമങ്ങൾ റിപ്പോർട്ട്‌ ചെയ്യുന്നതെങ്കിലും സ്ഫോടനത്തിന്റെ യഥാർത്ഥ കാരണം ഇപ്പോഴും അവ്യക്തമാണ്.
അപകടത്തിൽ പരിക്കേറ്റ 3 പേരുടെ നില അതീവഗുരുതരമായി തുടരുകയാണെന്ന് അധികൃതർ അറിയിച്ചു.കുട്ടികളടക്കം അഞ്ചോളം ആളുകൾ ഇപ്പോഴും വീടുകളിൽ കുടുങ്ങിക്കിടപ്പുണ്ടെന്നാണ് റിപ്പോർട്ടുകൾ.ഇവരെ കണ്ടെത്താനുള്ള രക്ഷാപ്രവർത്തനം പുരോഗമിക്കുകയാണ്.ബാൽട്ടിമോർ ഗ്യാസ് ആൻഡ് ഇലക്ട്രിക് കമ്പനിയിലെ ഉദ്യോഗസ്ഥരും ബാൽട്ടിമോറിലെ എമർജൻസി മാനേജ്മെന്റ് ഓഫീസിലെ ഉദ്യോഗസ്ഥരും സ്ഥലത്തെത്തിയിട്ടുണ്ട്.
Discussion about this post