കാഠ്മണ്ഡു: നേപ്പാള്‍ ഗ്രാമത്തിലെ ചൈനയുടെ അതിക്രമം റിപ്പോര്‍ട്ട് ചെയ്തിരുന്ന മാധ്യമപ്രവര്‍ത്തകനെ മരിച്ച നിലയില്‍ കണ്ടെത്തി. വാര്‍ത്താ ഏജന്‍സിയായ എ.എന്‍.ഐ ആണ് ഇക്കാര്യം റിപ്പോര്‍ട്ട് ചെയ്തത്. 50കാരനായ ബലറാം ബനിയ എന്ന മാധ്യമപ്രവര്‍ത്തകനാണ് മരിച്ചത്.
ഭഗ് മതി നദിക്കരയിലാണ് ബനിയയുടെ മൃതദേഹം കണ്ടെത്തിയത്. കാണ്ഡിപൂര്‍ ഡെയ്‌ലി എന്ന പത്രത്തിലായിരുന്നു ഇദ്ദേഹം ജോലി ചെയ്തിരുന്നത്.
നേരത്തെ ഇദ്ദേഹത്തെ കാണാനില്ലെന്ന് കുടുംബം പരാതി നല്‍കിയിരുന്നതായി ‘കാഠ്മണ്ഡു പോസ്റ്റ്’ ദിനപത്രം റിപ്പോര്‍ട്ട് പറയുന്നു.
ഗോര്‍ഖ ജില്ലയിലെ റൂയ് ഗ്രാമത്തില്‍ ചൈന നടത്തുന്ന അതിക്രമങ്ങളെക്കുറിച്ച്‌ അദ്ദേഹം തുടര്‍ച്ചയായി എഴുതിയിരുന്നെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.
Discussion about this post