മൈഡുഗുരി : വടക്കുകിഴക്കന്‍ നൈജീരിയയില്‍ ബൊക്കോ ഹറാം തീവ്രവാദികള്‍ നടത്തിയ ആക്രമണത്തില്‍ 68 ഗ്രാമീണര്‍ കൊല്ലപ്പെട്ടതായി റിപ്പോര്‍ട്ട്. ബോര്‍നോയിലെ ഉള്‍ഗ്രാമമായ ബാനുവിലാണ് തീവ്രവാദികള്‍ ആക്രമണം നടത്തിയതെന്ന് ബോര്‍നോ ഗവര്‍ണര്‍ കാസിം ഷെറ്റിമ അറിയിച്ചു. കഴിഞ്ഞ വര്‍ഷം ബൊക്കോഹറാം തട്ടിക്കൊണ്ടു പോയ പെണ്‍കുട്ടികളുടെ മാതാപിതാക്കള്‍ യോഗം ചേര്‍ന്നപ്പോളായിരുന്നു ആക്രമണമുണ്ടായത്.
ബൊക്കോ തീവ്രവാദികള്‍ക്കെതിരേ നൈജീരിയന്‍ സൈന്യം ആക്രമണം ശക്തമാക്കിയിട്ടുണ്ട്്. അതിനുള്ള തിരിച്ചടിയായാണ് തീവ്രവാദികളുടെ കൂട്ടക്കുരുതി. കഴിഞ്ഞ ആറുവര്‍ഷത്തിനിടെ 20,000 ത്തോളം പേരെയാണ് ബൊക്കോ ഹറാം കൊലപ്പെടുത്തിയത്.
Discussion about this post