സിനിമയില്‍ നിന്ന് ലൈംഗികാതിക്രമം നേരിടേണ്ടി വന്നിട്ടുണ്ടെന്ന് നടി കസ്തൂരി

സിനിമയിൽ നിന്ന് തനിക്കും ലെെം​ഗികാതിക്രമം നേരിടേണ്ടി വന്നിട്ടുണ്ടെന്ന് നടി കസ്തൂരി. സംവിധായകൻ അനുരാ​ഗ് കശ്യപിനെതിരേ ആരോപണം ഉയർന്നുവന്നതിന് പിന്നാലെയാണ് വെളിപ്പെടുത്തലുമായി താരം രം​ഗത്തെത്തിയത്.

”വ്യക്തമായതോ സ്ഥിരീകരിക്കുന്നതോ ആയ തെളിവുകളില്ലാത്ത ലൈംഗികാരോപണങ്ങൾ തെളിയുന്നത് അസാധ്യമാണ്. എന്നാൽ ഒന്നോ അതിലധികമോ പേരുകൾ നശിപ്പിക്കാൻ അവർക്ക് കഴിയും. മറ്റൊരു ​ഗുണവുമില്ല”- കസ്തൂരി കുറിച്ചു.

Actress Payal Ghosh has accused Anurag Kashyap of sexual assault.

Legal view: Allegations of sexual assault without tangible or corroborative evidence are near impossible to prove . But They can ruin either one or all of the names involved. Nothing Good. https://t.co/Gw0RNuPikm

— Kasturi (@KasthuriShankar) September 20, 2020

അതിനിടെയിലാണ് കസ്തൂരിയോട് ഒരാൾ ചോദ്യവുമായി രം​ഗത്ത് വന്നത്. ”നിങ്ങളുമായി അടുപ്പമുള്ള ഒരാൾക്കാണ് ഇത് സംഭവിച്ചത് എങ്കിൽ നിയമ വശങ്ങളെക്കുറിച്ച് സംസാരിക്കുമോ” എന്നായിരുന്നു അയാളുടെ ചോദ്യം. ”എന്ത് അടുപ്പമുള്ളയാൾ, എനിക്ക് തന്നെ അങ്ങനെ സംഭവിച്ചിട്ടുണ്ട്”- കസ്തൂരി ട്വിറ്ററിൽ കുറിച്ചു.

What close to me, it has happened to me. It is how it is. #behindcloseddoors https://t.co/KwWUyiaIXG

— Kasturi (@KasthuriShankar) September 21, 2020

അതേസമയം അതിക്രമത്തെക്കുറിച്ച് തുറന്ന് സംസാരിക്കണമെന്ന ആരാധകരുടെ ആവശ്യത്തോട് കസ്തൂരി പ്രതികരിച്ചില്ല.

ബോളിവുഡ് നടി പായൽ ഘോഷാണ് അനുരാഗ് കശ്യപിനെതിരേ ലൈംഗികാരോപണവുമായി രംഗത്തെത്തിയത്. എ.ബി.എൻ തെലുഗുവിന് നൽകിയ അഭിമുഖത്തിലാണ് പായൽ അനുരാഗിനെതിരെ ഗുരുതര ആരോപണങ്ങളുമായി രംഗത്തെത്തിയത്. തന്നെ ലൈംഗികമായി ഉപദ്രവിച്ച ശേഷം ഇത് സാരമുള്ള കാര്യമല്ലെന്നും തന്നോടൊപ്പം ജോലി ചെയ്ത ഹുമ ഖുറേഷി, മാഹി ഗിൽ എന്നീ താരങ്ങൾ ഒരു വിളിപ്പുറത്താണുള്ളതെന്നും അനുരാഗ് പറഞ്ഞതായി പായൽ ആരോപിച്ചു.

പായലിന് പിന്തുണയുമായി നടി കങ്കണ റണാവത്ത് രം​ഗത്തെത്തി.