സെക്സ് റാക്കറ്റ്,മനുഷ്യക്കടത്ത് എന്നിവയുമായി ബന്ധപ്പെട്ട പ്രവർത്തങ്ങൾക്കായി റഷ്യൻ രാഷ്ട്രീയ നേതാവിന്റെ ഭാര്യയിൽ നിന്നും ജോ ബൈഡന്റെ മകൻ ലക്ഷങ്ങൾ സ്വീകരിച്ചിരുന്നതായി റിപ്പോർട്ടുകൾ. അമേരിക്കൻ സെനറ്റ് കമ്മിറ്റിയായ ഹോംലാൻഡ് സെക്യൂരിറ്റി ആൻഡ് ഗവൺമെന്റ് അഫയേഴ്സ് പുറത്തു വിട്ട റിപ്പോർട്ടിലാണ് ജോ ബൈഡന്റെ മകൻ ഹണ്ടർ ബൈഡൻ റഷ്യൻ രാഷ്‌ടീയ നേതാവായ യൂറി ലുഷ്കോവിന്റെ ഭാര്യ എലെന ബതുറിനയിൽ നിന്നും ലക്ഷങ്ങൾ സ്വീകരിച്ചിരുന്നതായി വിശദമാക്കിയിട്ടുള്ളത്. ലഭിച്ച പണം ഹണ്ടർ സെക്സ് റാക്കറ്റ്,മനുഷ്യക്കടത്ത് എന്നിവയുമായി ബന്ധപ്പെട്ട പ്രവർത്തങ്ങൾക്കാണ് കൂടുതലും ഉപയോഗപ്പെടുത്തിയിരിക്കുന്നത് എന്ന് വ്യക്തമാക്കുന്ന തെളിവുകളും റിപ്പോർട്ടിലുണ്ട്.
ജോ ബൈഡൻ സഹസ്ഥാപകനായ റോസ്മോണ്ട് തോന്റോൺ എന്ന നിക്ഷേപകമ്പനിയിലൂടെ മാത്രം ഏകദേശം 3.5 മില്യൺ ഹണ്ടർ ബൈഡന് ലഭിച്ചിട്ടുണ്ടെന്നാണ് വിവരങ്ങൾ. അഴിമതിക്കാരനായ ഉക്രൈൻ രാഷ്ട്രീയ നേതാവ് മൈക്കോള സ്ലോഷെവ്സ്ക്കിയുമായും ജോ ബൈഡന്റെ മകൻ ബന്ധം സ്ഥാപിച്ചിരുന്നുവെന്ന് റിപ്പോർട്ടുകളിൽ നിന്നും വ്യക്തമാണ്. ഹോംലാൻഡ് സെക്യൂരിറ്റി ആൻഡ് ഗവൺമെന്റ് അഫയേഴ്സ് പുറത്തു വിട്ട ഈ റിപ്പോർട്ടുകളിൽ ജോ ബൈഡൻ ഇതുവരെ പ്രതികരിച്ചിട്ടില്ല.
ഉക്രൈൻ ആസ്ഥാനമാക്കിയുള്ള ഒരു കമ്പനിയിൽ നിന്നും വൻതുകകൾ പലപ്പോഴായി ഹണ്ടർ ബൈഡനു കൈമാറിയതായും റിപ്പോർട്ടിലുണ്ട്. ഹണ്ടറിന്റെ ബിസിനസ് പങ്കാളി ആർച്ചറും മില്യൻ കണക്കിന് ഡോളറുകൾ സംശയാസ്പദമായ പൂർവ്വകാല ചരിത്രം ഉള്ള വിദേശികളിൽ നിന്നും കൈപ്പറ്റിയിട്ടുണ്ടെന്ന് റിപ്പോർട്ട് വ്യക്തമാക്കുന്നു.യു.എസ് പ്രസിഡന്റ് തിരഞ്ഞെടുപ്പിന്റെ ഈ ചൂടേറിയ സന്ദർഭത്തിൽ ട്രംപും അനുകൂലികളും ഇത് രാഷ്ട്രീയ ആയുധമാക്കുമെന്ന് ഉറപ്പാണ്.
Discussion about this post