തിരുവനന്തപുരം: മുഖ്യമന്ത്രിക്ക് തന്നെ നേരത്തേ അറിയാമെന്ന് സ്വപ്ന സുരേഷ്. സ്പേസ് പാർക്കിലെ തന്റെ നിയമനം മുഖ്യമന്ത്രിയുടെ അറിവോടെയാണെന്നും സ്വർണ്ണക്കടത്ത് കേസിലെ പ്രതി സ്വപ്ന സുരേഷ് മൊഴി നൽകി.
മുഖ്യമന്ത്രിയും യുഎഇ കോണ്സല് ജനറലും 2017ല് മുഖ്യമന്ത്രിയുടെ വസതിയില് സ്വകാര്യ കൂടിക്കാഴ്ച നടത്തി. യുഎഇ കോണ്സുലേറ്റും സര്ക്കാരും തമ്മിലുള്ള ഇടപാടുകൾക്ക് ശിവശങ്കറിന് ആയിരിക്കും ചുമതലയെന്ന് മുഖ്യമന്ത്രി അനൗദ്യോഗികമായി അറിയിച്ചിരുന്നു. അന്നുമുതല് എല്ലാ കാര്യങ്ങള്ക്കും ശിവശങ്കര് തന്നെ വിളിച്ചിരുന്നുവെന്നും സ്വപ്ന മൊഴിയിൽ പറഞ്ഞു.
ശിവശങ്കര് തന്നെ സ്ഥിരമായി വിളിക്കാറുണ്ടായിരുന്നു. കോണ്സുലേറ്റുമായി ബന്ധപ്പെട്ട കാര്യങ്ങള്ക്ക് താനും ശിവശങ്കറെ സ്ഥിരമായി വിളിക്കാറുണ്ടായിരുന്നു. അങ്ങനെയുള്ള സംഭാഷണങ്ങളിലൂടെയാണ് തങ്ങള് തമ്മിലുള്ള ബന്ധം വളര്ന്നതെന്നും എൻഫോഴ്സ്മെന്റിന് നൽകിയ മൊഴിയിൽ സ്വപ്ന വിശദീകരിക്കുന്നു.
Discussion about this post